استانا قالاسىنىڭ ءبىلىم باسقارماسى كارىم ماسىموۆتەن تاركىلەنگەن ءزاۋلىم ءۇيدى نەگە الەۋمەتتىك نىسانعا اينالدىرۋدان باس تارتقانىن ءتۇسىندىردى، دەپ حابارلايدى Dalanews.kz.
بۇعان دەيىن "قايتارىلعان اكتيۆتەردى باسقارۋ كومپانياسى" (قۋۆا) ەليتالى وسوبنياكتى ساۋدادان الىپ تاستاعان ەدى. بۇل شەشىم استانالىق اكيماتتىڭ سۇراۋى بويىنشا قابىلدانعان. الايدا كەيىن قالا اكىمدىگى بۇل مۇلىكتى كوممۋنالدىق مەنشىككە قابىلداۋدان باس تارتاتىنىن حابارلادى. BES.media-عا رەسمي جاۋاپتا ءبىلىم باسقارماسى مۇنىڭ سەبەبىن اتادى.
رەسمي دەرەككە سۇيەنسەك، عيمارات سانيتارلىق نورمالارعا جانە الەۋمەتتىك نىسانداردى ورنالاستىرۋعا قويىلاتىن تالاپتارعا سايكەس كەلمەيدى.
1،68 ملرد تەڭگە دەپ باعالانعان ءۇي اكيماتتىڭ وتىنىشىنەن كەيىن ساۋدادان الىنعان. ءبىراق كەيىن قالا بيلىگى ونى كوممۋنالدىق مەنشىككە قابىلداۋدان باس تارتتى.
پاتەر اۋماعى شامامەن 2،9 مىڭ شارشى مەتردى قۇرايدى. ىشىندە جيھاز بەن ونەر تۋىندىلارى بار. ول كاراوتكەل ىقشاماۋدانىندا ورنالاسقان. بۇعان دەيىن بۇل نىساندى eQazyna ارقىلى ساتۋعا ارەكەت جاسالعان.
ۇقك-نىڭ بۇرىنعى باسشىسى كارىم ءماسىموۆ مەملەكەتكە وپاسىزدىق جاسادى جانە بيلىكتى باسىپ الۋعا ارەكەتتەندى دەگەن ايىپپەن 18 جىلعا باس بوستاندىعىنان ايىرىلعان.
