Búginde bilim oshaqtaryn oqýlyqpen qamtamasyz etý isi kezeń-kezeńimen júzege asyp kele jatsa kerek. «Oqýlyqtardy qaita basyp shyǵarýdyń tórt jyldyq tsiklyna bailanysty, qazirgi tańda jumystar oqýlyqtardy satyp alý arqyly iske asýda. Mektep kitaphanalarynyń kitap qory oqý pánderiniń sanyna, synyptaǵy oqýshylar sanyna bailanysty qalyptasýda. Astana jáne Almaty qalalary, Jambyl, Mańǵystaý, Atyraý, Batys Qazaqstan jáne Pavlodar oblystary oqýlyqpen tolyq qamtamasyz etilgen. Basqa óńirlerde, máselen Soltústik Qazaqstan, Almaty, Qostanai, Aqmola oblystarynda áli de máseleler bar», – dedi A. Sárinjipov.
Aslan Sárinjipov: "oqýlyqtarmen tegin qamtamasyz etý respýblika boiynsha 96,4 paiyzdy quraidy" deidi. Biraq buǵan bizdiń kúdigimiz bar.
Óz kezeginde ministr oqýlyqtardy tegin qamtamasyz etý respýblika boiynsha 96,4 paiyzdy quraitynyn da aitty. Biraq buǵan bizdiń kúdigimiz bar. Jalpy jańa oqý jyly bastalǵanda oqýlyqqa qatysty úlken daýdyń basy qyltiyp, birazǵa deiin byqsyp baryp basylatyny belgili. Sońǵy jyldary oqýlyq úlken biznestiń kózine ainalǵany jasyryn emes. Qazir jylda oqýlyq jazý sánge ainalǵan. Ortaq júie joq. Bir mektep «Atamaura» baspasynyń oqýlyǵymen balalardy oqytsa, kórshi mektep «Mektep» baspasynyń oqýlyqtaryn paidalanǵandy jón kóredi. Osylaisha mektep oqýlyqtary baspasyna, avtoryna qarai bólinetin bolǵan. Biyl kishkentai qyzymyz mektep tabaldyryǵyn attap, daiyndyq bólimine bardy. Qajetti kórnekilik oqý quraldarynyń sany 13-ke jetetinin estigende sene almadym. Sońyn ala úige alyp kelgen kitaptaryn sanaǵanda ras ekenine kózim jetti. Baiaǵyda biz de daiyndyqta oqydyq. Sol kezde 20 shaqty áripti qamtyǵan shaǵyn álippemen saýatymyzdy ashqanymyz áli esimde. Sonda bizdiń sol kezdegi qabilet-qarymymyz tómen bolǵany ma? Sóitsem bunyń qabiletke túk qatysy joq eken. Bar másele bizneske baryp tireletinin keiinnen uqtym. Kitap kóp bolǵan saiyn baspalarǵa aqsha kóbirek túsetin bolsa kerek. Al quzyrly oryndar bolsa bul isin jastarǵa zamanaýi bilim berýmen búrkemeleidi. Tipti, «Batysta solai, bizdede solai bolýy kerek» dep, qysqa ǵana jaýap qaiyrady. Órkeniettiń kóshinen qalmaý úshin jantalasyp, bazar jaǵalap, kitap satyp alýǵa umtylasyń.
Beker obaly ǵana 13 kitaptyń 12-in mektebi tegin berdi. Tek bireýin ǵana satyp aldyq. Sodan álgi kórneki quraldardy paraqtaǵanymda olardyń bári Stambýlda basylǵanyn kórip tańǵaldym. Ádette Qazaqstan Ortalyq Aziianyń birqatar eliniń valiýtalaryn basyp jatyr dep maqtanǵanymyzda keýdemizge nan piserdei bolady. Al daiyndyqqa baratyn balalardyń shaǵyn kitapshasyn Túrkiiada basqanymyz qalai? Kitap basý aqsha basqannan qiyn bolǵany ma? Kitap pen oqýlyq basýǵa sonshalyqty indýstrialdyq-innovatsiialyq baǵdarlama kerek emes shyǵar... Endeshe, bizdiki qandai áýmeserlik?!
Jarbol KENTULY.
