Orman el ekonomikasyn damytýda, ainaladaǵy ortany jaqsartýda, halyqtyń ál-aýqatyn arttyrýda zor ról atqarady. Orman tabiǵaty bizdiń baǵa jetpes qundylyǵymyz, ony qorǵap saqtap qalý búkil adam balasynyń paryzy. Onyń adam ómirinen alar orny erekshe. Orman – jer sharynyń tynysy, tamaq pen shikizat qory, ol – dári, ol – densaýlyq kepili. Onyń adamzatqa tigizer paidasyn baǵalamaý múmkin emes. Osy tabiǵattyń bizge syilaǵan baǵa jetpes bailyǵyn keler urpaqqa qalai saqtap jetkizýmiz kerek ekenin oilamai, nemquraily kózqarasta qalyp otyrǵan joqpyz ba?!
Ormandaǵy aǵashtardy esh oilanbastan kesemiz, demalýshylar jas óskin aǵashtardy syndyra salady, gúlderdi japyryp tastaidy. Tup-tunyq tumalar men ózenderge mashina jýyp, ónerkásip oryndary ýly kereksiz zattaryn aǵyzady, sóitip, sý kózderin biteimiz.
Al ormanǵa eń qaýipti – órt, adamdar qolymen jasalatyn órt.
Órt jas óskin talshybyqtartardyń óz betinshe órken jaiýyna,jer qyrtysyndaǵy tuqym qorynyń zaqymdalýyna, tipti úlken aǵashtardyń qurýyna ákep soǵady. Órtte jan-janýar, ań-qustar qyrylady.
Mine, biyl jaz boiy jańbyrsyz ósimdikter boiyndaǵy sýdan aiyrylyp, qýrap, sarǵaiyp ketti, osyǵan sáikes bizdiń Medeý filialy boiynsha qaýipsizdik sharalardy shuǵyl ári qatań túrde uiymdastyrdy. Filial kóleminde jaiaý jáne atty kezekshi quryldy. Filial keńsesinde táýliktik kezekshi qoiyldy. Qazir bizdiń aldymyzda turǵan birinshi kezektegi mindet ormandy órtten qorǵaý, dala órtin boldyrmaý «Órt – tilsiz jaý» dep únemi aitqanymyzben, kópshilik ony uǵyna bermeidi, osyndai kezde keibir adamdar qýrap turǵan shópke órt qoiady, qoiǵan órt sai salany qýalap, dala tósine shyǵady, der ýaqytynda aýyzdyqtalmasa, orman alqaptaryn jalynyna oraidy. Osy órtterge bailanysty eshkim jaýapkershilikke tartylyp jatqan joq, kináliler izin sýytyp qashyp ketedi de, anyqtalmaidy. Ziian shegetin tek tabiǵat ana ǵana.
Qoryta kelgende aitarmyz, aýdan, qala turǵyndaryna jerimizdiń tabiǵat bailyǵyn órtten birlese qorǵap, kelesi urpaqqa jaiqalǵan jasyl orman alqabyn qaldyraiyq demekpiz.
Jarqyn JUMAI,
Ile-Alataý MUTP Medeý filialynyń ormandy qorǵaý,
molaitý, landshaftaý jáne ornalastyrý injeneri
