Nelsonnyń sózinshe, 2024 jylǵa jeiin astronavtardy Aiǵa qondyrýǵa tehnikalyq jaqtan múmkindik bolmai jatyr.
– Budan bólek «Artemida» baǵdarlamasynyń basqa kezeńderi de keiinge shegerilip jatyr. Atap aitqanda, spýtniktiń ekipajsyz Aidy ainalýy 2021 jyldan 2022 jyldyń jaz ailaryna jyljysa, ekipajdyń Orion kemesimen Aidy ainalýy 2023 jyldan 2024 jylǵa jyljyǵan, – dedi Nelson.
Onyń sózinshe, buǵan koronavirýs pandemiiasy, sonymen birge sot protsesi sebep bolǵan. Osyǵan deiin Djeff Bezosqa tiesili Blue Origin kompaniiasy Ilon Masktyń SpaceX kompaniiasyna berilgen Aiǵa qoný modýlin istep shyǵýy boiynsha sotqa shaǵymdanǵan.
– Sot protsesine jeti ai ýaqytymyzdy joǵalttyq. Osy aralyqty missiiaǵa daiyndyq jumysymyzdy bastaýymyz kerek edi, – dedi Nelson.
«Artemida» AQSh úkimeti qarjylandyratyn Aiǵa adamdardy jóneltý boiynsha NASA baǵdarlamasy. Oǵan amerikalyq jeke kompaniialar, Eýropanyń ǵarysh agenttigi, Japoniia, Kanada, Avstraliia, Ulybritaniia, Italiia, Birikken Arab Emirattary, Liýksembýrg jáne Ýkraina kiredi.
Osyǵan deiin NASA negizgi maqsat adamdy Aiǵa Qytaidan birinshi bolyp qondyrý ekenin birneshe ret aitqan. Búginde ǵarysh baǵdarlamasyn belsendi túrde damytyp jatqan Beijiń osyǵan deiin Mars betine zertteý apparattaryn qondyryp, Aiǵa zondtaryn jóneltken.
