Tildesý kezinde nemis saıasatker Pýtınge Polsha shekarasyn buzyp ótken mıgranttar týraly sóılesý úshin qońyraý shalǵan. Ol mıgranttardy Eýropalyq odaqqa qarsy qural retinde paıdalaný «adamgershilikke» jat dep aıtyp, prezıdentten Mınskige yqpal etýin suraǵan.
Kremldiń baspasóz qyzmeti Pýtın EO ókilderi men Aleksandr Lýkashenko rejımimen tikeleı baılanys ornatýdy usyndy dep habarlady. Eýroodaq 2020 jyldyń tamyz aıynda ótken Belarýstegi prezıdent saılaýynyń nátıjesin moıyndamaıdy.
Sońǵy aılarda Taıaý Shyǵystan, Ońtústik Azıadan jáne Afrıkadan shyqqan myńdaǵan mıgranttar Eýroodaqqa múshe Polsha, Latvıa jáne Lıtvanyń aımaǵyna Belarýs arqyly zańsyz kirýge áreket etýde.
Eýroodaq bul úshin Belarýs prezıdenti Aleksandr Lýkashenkony aıyptap, muny byltyr prezıdent saılaýynan keıin engizilgen sanksıalar úshin Brússelden ósh alý dep esepteıdi.
Polsha premer-mınıstri Mateýsh Moraveskıı 9 qarashada ólke parlamentiniń shuǵyl jınalysynda «Lýkashenko jasap jatqan bul shabýyldyń artynda Pýtın tur» degen.
Mınsk mıgrasıalyq daǵdarys úshin jaýapkershilik almaı keledi. Máskeý oǵan qatysy bar ekenin teriske shyǵaryp keledi.
