تىلدەسۋ كەزىندە نەمىس ساياساتكەر پۋتينگە پولشا شەكاراسىن بۇزىپ وتكەن ميگرانتتار تۋرالى سويلەسۋ ءۇشىن قوڭىراۋ شالعان. ول ميگرانتتاردى ەۋروپالىق وداققا قارسى قۇرال رەتىندە پايدالانۋ «ادامگەرشىلىككە» جات دەپ ايتىپ، پرەزيدەنتتەن مينسكىگە ىقپال ەتۋىن سۇراعان.
كرەملدىڭ باسپا ءسوز قىزمەتى پۋتين ەو وكىلدەرى مەن الەكساندر لۋكاشەنكو رەجيمىمەن تىكەلەي بايلانىس ورناتۋدى ۇسىندى دەپ حابارلادى. ەۋرووداق 2020 جىلدىڭ تامىز ايىندا وتكەن بەلارۋستەگى پرەزيدەنت سايلاۋىنىڭ ناتيجەسىن مويىندامايدى.
سوڭعى ايلاردا تاياۋ شىعىستان، وڭتۇستىك ازيادان جانە افريكادان شىققان مىڭداعان ميگرانتتار ەۋرووداققا مۇشە پولشا، لاتۆيا جانە ليتۆانىڭ ايماعىنا بەلارۋس ارقىلى زاڭسىز كىرۋگە ارەكەت ەتۋدە.
ەۋرووداق بۇل ءۇشىن بەلارۋس پرەزيدەنتى الەكساندر لۋكاشەنكونى ايىپتاپ، مۇنى بىلتىر پرەزيدەنت سايلاۋىنان كەيىن ەنگىزىلگەن سانكسيالار ءۇشىن بريۋسسەلدەن ءوش الۋ دەپ ەسەپتەيدى.
پولشا پرەمەر-مينيسترى ماتەۋش موراۆەسكيي 9 قاراشادا ولكە پارلامەنتىنىڭ شۇعىل جينالىسىندا «لۋكاشەنكو جاساپ جاتقان بۇل شابۋىلدىڭ ارتىندا پۋتين تۇر» دەگەن.
مينسك ميگراسيالىق داعدارىس ءۇشىن جاۋاپكەرشىلىك الماي كەلەدى. ماسكەۋ وعان قاتىسى بار ەكەنىن تەرىسكە شىعارىپ كەلەدى.
