Ánsheiinde BAQ ókilderine suhbat berýge qulyqsyz Qorǵanys ministrligi bul joly belsendi. Áskerde 19 jastaǵy ulyna zorlyq-zombylyq jasaldy degen sarbazdyń jaqyndarynyń shaǵymymen kelispeidi.
Otan aldyndaǵy boryshyn aiaqtaýǵa 8 kún qalǵanda Renatty úiine jetkizip tastaǵan, 4 áskeridiń biri Amangeldi Kópjan. Ol sarbazdyń ústindegi kiimi bútin bolǵan, jazdyq aiaq kiimdi ózine yńǵaily bolýy úshin kigenin aitty. Sondai-aq ol ákesiniń ulynyń densaýlyǵynan habary bolmaǵan, deidi, delinedi Astana telearnasynyń siýjetinde.
Amangeldi KÓPJAN, DIVIZION KOMANDIRINIŃ TJIJ BOIYNShA ORYNBASARY:
"Ol jerde sol kisiniń aǵasy boldy Bahtiiar degen. Sol kisi aitady da: bir áýlie bar. Men sol áýlieden qońyraý shalyp suradym. Sen ony qamaǵansyńdar, urǵansyńdar, sosyn esinen aljastyryp jibergensińder deidi. Uryp jibersek ol jerge baryp ne qylamyz?".
Aqtaý qalasyndaǵy 25/744 Teńiz jaiaý áskerleri bólimindegiler urmadyq dep aqtalyp álek. Tipti ata-anasyna ony dáleldeý úshin meditsinalyq tekserýge alyp baraiyq dep usynys ta jasadyq dep otyr. Biraq oǵan qulaq aspady dedi. Tek suraqtyń astyna alǵandaryn jetkizdi.
Amangeldi KÓPJAN, DIVIZION KOMANDIRINIŃ TJIJ BOIYNShA ORYNBASARY:
"Esi durys emes bolyp tur ǵoi balanyń. Óz-ózine jaýap bere almaityn baladan aýzynan "iá" degen sózi ǵana shyqpai tur da, analar shyǵara almai tur da".
Solai-aq bolsyn, sonda Renat áskerge qalai qabyldanǵan? Meditsinalyq tekseris durys júrgizilmegeni me? Kókeidegi kúdikti saýaldardy aýdandyq qorǵanys isteri jónindegi bólimniń bastyǵyna joldadyq.
Baýyrjan QÝATOV, QYZYLORDA OBLYSY ARAL AÝDANDYQ QORǴANYS ISTERI JÓNINDEGI BÓLIM BASShYSY:
"Oblystyq qorytyndy komissiiadan ótkizip, qorytyndy komissiianyń qorytyndysy boiynsha "A" jaramdy bolyp ótti. Birinshi satydaǵy jaramdy bala. Psihologiialyq testileýden de jaqsy ótken".
Renattyń áskerde birge bolǵan qarýlas dostarynyń biri, kúdikti seiiltti.
Onyń sózinshe elge qaitatynnan bir apta buryn, sarbaz komandirlermen sózge kelip qalǵan. Sol kúnnen bastap dosyn kórmegen, tek qaitatyn kezde ǵana biraq kóripti.
Bekarys TAŃATAROV, R.JETKERGENOVTYŃ JAÝYNGERLIK DOSY:
"Sózge kelip qalǵan kúnnen bastap Renatty bólimniń syrtyndaǵy kazarmaǵa alyp ketti. Sodan bastap Renatty bir apta kórmedik. Poiyzda kórgen kezde Renat basqa jaǵdaida boldy. Baiaǵy bir jyl qyzmet ketken Renat joq. Basqa túr, tanymai qaldyq Renatty".
Týystary bolsa, sarbazdy áskeri shendiler 8 kún boiy qinaǵan dep otyr. Ony Renatta bir sózinde aityp qaldy, deidi. Qulaǵyn tesip, áiel etip alamyz degen kórinedi. Osy jaǵdaidan soń onyń ata-anasy tiis oryndarǵa shaǵym túsirgen. Qazir qylmystyq is qozǵalyp, tergeý bastalǵan.
Beken ShYNTILEÝOV, QR QK ÁSKERI POLITsIIa BAS BASQARMASY BASShYSYNYŃ ORYNBASARY:
"Qylmystyq is aiasynda tiisti saraptamalar júrgizilip Renat Jetkergenovtyń týystarynyń barlyq tujyrymdary muqiiat tekseriledi. Sondai-aq tergeýdiń tolyqtyǵy men obektivtiligin qamtamasyz etýge baǵyttalǵan basqa da tergeý is-sharalary júrgiziletin bolady".
Buǵan deiin de Aqtaýdaǵy 25/744 áskeri bóliminde birneshe ret shý shyqqan. Arasynda Renat siiaqty esinen aiyrylǵandary da bar.
https://youtu.be/IcoShbTPqAI
