![](/uploads/images/20240128001408310.jpg)
Óńirdegi jańadan ashylǵan mańyzdy nysandardyń taǵy biri – Elbasy, Qazaqstan Respýblıkasy Tuńǵysh Prezıdentiniń «Atameken» tarıhı-mádenı ortalyǵy. Elbasynyń týǵan aýyly Shamalǵanda ornalasqan bul ortalyq Memleket basshysynyń ómir jolyn keńinen nasıhattaý maqsatynda ashylǵan. Odan bólek, Nursultan Nazarbaevtyń eńbekke alǵash aralasqan sátinen bastap saıasattaǵy iri jeńisteri men jetistikterin qamtıtyn qundy dúnıeler arqyly óskeleń urpaqqa úlgi-ónege kórsetý, jastarymyzdy otanshyldyqqa, ultjandylyqqa tárbıeleý kózdelgen.
Atalǵan biregeı keshenderdegi jádigerlermen tanysqan «Nur Otan» partıasy Tóraǵasynyń Birinshi orynbasary bul nysandardyń ashylýy Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy men «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Joldaýynda aıtylǵan basymdyqtardyń nátıjesi ekenin tilge tıek etti.
![](/uploads/images/20240128001408728.jpg)
«Batyr babalar» memorıaly men «Atameken» ortalyǵynda qazirdiń ózinde birneshe aıǵa josparlanǵan ekskýrsıalyq keste jasalyp qoıylǵan. M. Qul-Muhammed osy kúni keshendi tamashalaýǵa kelgen Qyrǵaýyldy aýylyndaǵy Ýshınskıı atyndaǵy mekteptiń oqýshylarymentildesip, olarǵa osy tarıhı orynnankórgen qundy jádigerler men ónegeli málimetterdikóńilderine túıýdi, bul bolashaq ómirlerine zor taǵylym bolatynyn aıtty.
Almaty oblysy agrarly aımaq bolǵandyqtan Elbasynyń bıylǵy Joldaýynyń agrarlyq saıasatqa, eńbek ónimdiligin túbegeıli arttyrýǵa jáne óndelgen ónimniń eksportyn ulǵaıtýǵa baǵyttalǵan úshinshi mindetine osy saparynda M. Qul-Muhammed erekshe mán berdi. Soǵan oraı partıa Tóraǵasynyń Birinshi orynbasary kondıterlik ónimder shyǵaratyn «Almatyónimderi» JSHS kásipornyna arnaıy bardy. 200 adamdy jumyspenqamtyp otyrǵan bul nysanda kondıterlik ónimderdiń 150-den astam túri óndiriledi. Kásiporynnyń óndiristik qýaty jylyna 13 myń tonna daıyn ónim shyǵarýǵa laıyqtalǵan. Eń basty ereksheligi - qajetti shıkizattardyń júz paıyzǵa jýyǵyotandyq ónimder. Máselen, un Aqmola oblysynan jetkiziledi.
Osy kásiporynda shyǵarylǵan pechene, vaflı, karamel, halva syndy táttilerdi ózimizben qatar Ortalyq Azıa elderiniń, Reseıdiń jáne Germanıa men Belarýstiń turǵyndary da tutynady. «Bıznestiń jol kartasy-2020» memlekettik baǵdarlamasy negizinde qoldaýǵa ıe bolýy kásiporynnyń tynysyn keńeıte túsýine múmkindik bergen.
Kásiporynǵa arnaıy atbasyn burǵan Muhtar Qul-Muhammed óndiris ornynyń tehnologıalyq úderisimen jáne jańadan iske qosylatyn jeliniń jumysymen tanysty.
Munan soń «Almaty-SHyny» JSHS zaýytyna baryp, banki, quty sıaqty shyny ydystaryn óndirý prosesin kózimen kórdi. Zaýyt dırektory Azım Abdýllaevtyń aıtýynsha, mundaǵy qondyrǵylardyń Qazaqstan boıynsha balamasy joq. Kásiporynda bes birdeı tehnologıalyq mashına jelisi jumys isteıdi. Sonyń nátıjesinde shyny ydystardyń kez kelgen túrin daıyndaýǵa múmkindik bar. Munda jylyna1550 S* gradýs ystyqta quıylatyn 120 mıllıonǵa deıin shyny qutylar men bankiler shyǵarylady. Ónerkásip orny jylyna 18 mlrd. teńgeniń ónimin óndirip otyr. Shıkizat Qyzylorda oblysynan, Tekeli qalasynan jáne shet elderden ákelinse, daıyn ónimdi tutynýshylar tek Qazaqstanda ǵana emes, sonymen qatar Reseı, Ázirbaıjan, Túrkıa, Tájikstan sıaqty taıaý kórshi memleketterge de jóneltilip otyr.Kásiporyn óz jumysshylaryna barlyq qolaıly jaǵdaılardy jasap qoıǵan. Qyzmettik turǵyn úımen qamtyp, zaýyt mańynda turmysqa qajetti dárihana, ashana, saýda úıi sıaqty áleýmettik nysandardyń jumys isteýin qamtamasyz etip otyr.
Seriktestiktiń eńbek ujymymen kezdesken Muhtar Qul-Muhammed Elbasymyz óziniń jańa Joldaýynda aıtqan Tórtinshi ónerkásiptik revolúsıa dáýiri óndiris oryndarynan sońǵy úlgidegi tehnologıalardy keńinen engizýdi talap etetinine nazar aýdardy. Bul oraıda «Almaty-SHyny» sıaqty zamanaýı kásiporyndar da Elbasy aıtqan jańǵyrý men sıfrlandyrýdy júzege asyrýda asa belsendi bolýy tıis.
![](/uploads/images/20240128001409157.jpg)
Sapar sońynda Muhtar Qul-Muhammed «Nur Otan» partıasynyń oblystyq, aýdandyq, qalalyq fılıaldary men bastaýysh partıa uıymdaryna Elbasy Joldaýyndaǵy barlyq mindettiń júzege asyrylýyn qatań baqylaýǵa alýdy jáne bul mańyzdy qujattyń máni men maǵynasyn Almaty oblysynyń árbir turǵynyna túsindirý júmystaryn júıeli túrde júrgizýdi tapsyrdy.
– Memleket basshysy óziniń keshegi Joldaýynda on basym baǵytty atap ótip, aldymyzǵa zor mindetter júktedi. Sonyń ishinde agrarlyq sektorǵa, ındýstrıaǵa sıfrly jańa tehnologıany engizý, sol arqyly kásipkerlerdiń tıimdi eńbek ónimdiligine qol jetkizýine, óndelgen aýyl sharýashylyǵy ónimderiniń eksportyn 2,5 esege arttyrýǵa múmkindikter jasaý talaby tur. Bul oraıda Almaty oblysynda jarqyn mysal, jaqsy bastamalar bar ekenin kórdik. Búgingi kúni tutynýshy eń aldymen ónimniń ekologıalyq tazalyǵy men sapasyna nazar aýdarady. Búgin biz barǵan zaýyttar sondaı talaptarǵa tolyǵymen jaýap beredi. Elimizdiń ıdýstrıalyq damýynda, ásirese, óńdeýshi kásiporyndardyń mańyzy zor. Elbasy aıtqan eksportqa baǵyttalǵan ónerkásipterdi damytý, olardyń nátıjeli jumysyna jaǵdaı jasaý Almaty oblysynda jaqsy jolǵa qoıylǵan. Osy baǵyttaǵy jumysty jalǵastyra berý kerek, – dedi M. Qul-Muhammed qorytyndy sózinde.
Almaty oblysy ákiminiń baspasóz qyzmeti