Joldaýdaǵy árbir on baǵytqa jeke toqtalǵan aimaq basshysy Memleket basshysynyń bul saiasi qujaty tórtinshi ónerkásiptik revoliýtsiia álemine beiimdelý men jetistikke jetý jolyn tabý úshin ne isteý qajettigin aiqyndap bergenin aitty.
– Birinshi baǵyt. «Indýstriialandyrý jańa tehnologiialardy engizýdiń kóshbasshysyna ainalýy tiis» dep atap kórsetti Elbasymyz. Bul baǵyttaǵy jumysty Ońtústik Qazaqstan oblysy barynsha jedeldetetin bolady. Óńirimizde 11 indýstriialdy aimaq pen bir arnaiy ekonomikalyq aimaqtyń áleýetin barynsha tiimdi júzege asyrýymyz kerek. 2017 jyly indýstriialdy aimaqty damytýda 9,4 mlrd. teńgeni quraityn 13 joba júzege asty. Endi bul baǵyttaǵy jumystardy odan ári jetildirýge mindettimiz. Búginde qoldanystaǵy kásiporyndarda jańa tsifrlyq tehnologiialar engizilip, óndirister damýda. Máselen, óndiriste zamanaýi tehnologiiany paidalaný arqyly atmosferaǵa ketetin zalaldy tómendetip, óndiris tsikliniń ýaqyty men energiia shyǵynyn azaitqanǵa durys. Bul ónimdilikti eselep, arttyrady degen sóz.
Elbasynyń ekinshi qoiyp otyrǵan mindeti «Resýrstyq áleýetti odan ári damytý». Prezident bul salada tabiǵi resýrstardy tiimdi paidalanyp, energiia kózderin tabý men únemdeýge úndep otyr. Óńirimizde bul baǵytta da jumystar «EKSPO – 2017» halyqaralyq kórmesinen keiin belsendi túrde qolǵa alynǵanyn bilesizder. Ótken jyldyń ózinde Sairam, Qazyǵurt aýdandarynda gidro-elektr stantsiialary iske qosyldy. Sonymen birge, Shymkent qalasynda káriz sý qaldyqtarynan biogaz alatyn Orta Aziiada balamasy joq keshen paidalanýǵa berildi. Munyń bári memlekettiń qoldaýy arqasynda júzege asyp otyr. Qazirgi ýaqytta oblysymyzdyń birneshe aýdandarynda shetel investorlarymen birikken kúnnen elektr energiiasyn óndiretin nysandardyń qurylysy júrgizilýde. Jasyl ekonomikany damytý boiynsha oblysta júzege asyrylatyn 26 joba endi jańa baǵytta qarqyn alatyn bolady, – dedi J.Túimebaev.
Joldaýdaǵy úshinshi mindet «Aqyldy tehnologiialar» – agroónerkásip keshenin qarqyndy damytý múmkindigi» bolyp otyrǵanyn aitqan oblys ákimi agrarlyq aimaq Ońtústik Qazaqstan elimiz boiynsha aýyl sharýashylyǵy salasynda ozyq tehnologiialardy qoldanýda kósh basynda turǵanyn atap ótti.
– Máselen, tamshylatyp sýarý ádisi 7,5 myń gektar jerge endirilip, jalpy kólemi 58,5 myń gektarǵa jetti. Bul respýblikalyq úlestiń 72 paiyzyn qurap otyr. Al qarqyndy baýdyń kólemi 2,8 myń gektarǵa jetip otyr. Intensivti baq, tamshylatyp sýǵarý, jylyjailar baǵyttarynda ozyq tehnologiialar engizý arqyly ónimdiliktiń joǵarǵy deńgeiine jetip otyrmyz. Biylda jańa tehnologiialar engizý boiynsha jumystar júieli túrde atqarylatyn bolady. Al Memleket basshysynyń aitqan tórtinshi baǵyty, iaǵni, kólik-logistika infraqurylymynyń tiimdiligin arttyrý boiynsha bergen mindettemesin júzege asyrýda Ońtústiktiń múmkindigi mol ekeni ózderińizge aian. Máselen, «Jańa indýstriialandyrý: qazaqstandyq barystyń qadamy» ulttyq telekópir barysynda Shymkent qalasynda ornalasqan kólik-logistikalyq ortalyǵynda A + sanatyndaǵy keshen iske qosylǵan bolatyn. «Batys Eýropa – Batys Qytai» magistrali men temirjol jelisine jaqyn ornalasqan jańa kóliktik-logistikalyq ortalyǵynyń geografiialyq turǵydan tiimdi ornalasýynda. Bul óńirdi kóliktik-logistikalyq hab retinde qalyptastyrýǵa jáne Qazaqstannyń aýmaǵy arqyly ainalymdy ulǵaitýǵa yqpal etedi. Qazirgi kezde jalpy aýmaǵy 92 gektardy quraityn «Ońtústik» kólik-logistikalyq ortalyǵynda investitsiia quny 35,6 mlrd teńge bolatyn 8 joba júzege asyrylýda. Aýmaǵy – 242 500 sharshy metrdi quraidy. Munda kedendik rásimdeý, fitosanitarlyq jáne veterinarlyq baqylaý qyzmetteri bir tereze qaǵidasymen júrgizilse, buǵan qosa ýaqytsha saqtaý qyzmeti de qarastyrylǵan, – dedi oblys ákimi.
Qazaqstandyqtardyń eń ózekti áleýmettik problemasy – baspana. Sondyqtan da Elbasy óziniń Joldaýynda turǵyn úi qurylysy salasyna erekshe nazar aýdaryp otyrǵanyn aitqan J.Túimebaev biyl Ońtústikte 245 kópqabatty turǵyn úidiń qurylysy júrzilip, onyń 91-i nemese 4 733 páter paidalanýǵa berilgenin jetkizdi. Sondai-aq, ákim ótken jyldan ótpeli bolǵan 154 kópqabatty turǵyn úidiń qurylysynan bólek, osy jyly taǵy da 100 kópqabatty úi qurylysy bastalatynyn málim etti.
Damýdyń 10 baǵytyn aiqyndaǵan Elbasy Joldaýy – jańa maqsattarǵa jeteleitin eń basty qujat bolyp tabylatynyn aitqan óńir basshysy saiasi qujatty túsindirý jáne nasihattaý jumystary boiynsha jelilik keste, media-jospar jasaýdy tapsyrdy. Sonymen qatar, ákim barlyq deńgeidegi ákimder men halyq qalaýlylaryn, ardagerler jáne qoǵamdyq uiymdar men sala belsendilerin halyq arasynda nasihattaý jumystaryna, negizgi basymdyqtarynyń joǵary deńgeide júzege asyrylýyna belsendi atsalysýǵa shaqyrdy.
OQO ákiminiń baspasóz qyzmeti
