Shymkentte Nursultan Nazarbaev dańǵyly paida bolady
Máslihattyń 19-sessiiasynda oblystyq máslihattyń memlekettik-quqyq máseleleri jáne jergilikti ózin-ózi basqarý jónindegi turaqty komissiiasynyń tóraǵasy Ómirzaq Meldehanov usynys jasady.
Oblystyń ákimshilik-iskerlik ortalyǵy ornalasqan Astana dańǵylyn elimizdiń Tuńǵysh Prezidenti Nursultan Ábishuly Nazarbaevtyń esimimen ataýdy usyndy. Halyq qalaýlysynyń bul usynysyn máslihat depýtattary biraýyzdan qoldady.
Nursultan Nazarbaev esimi berilgen alǵashqy dańǵyl Qazaqstanda 2017 jyly paida boldy. 2017 jyldyń 30 qarashasynda Almaty qalalyq máslihatynyń VI shaqyrylymynda qala turǵyndarynyń kóptegen usynysy boiynsha, qalalyq onomastika komissiiasynyń jáne Respýblikalyq onomastika komissiiasynyń kelisimimen Fýrmanov kóshesin – Qazaqstan Respýblikasynyń tuńǵysh prezidenti – Elbasy Nursultan Ábishuly Nazarbaev esimimen ataý týraly sheshim qabyldanǵan edi.
Sessiia kezinde qala ákimi Baýyrjan Baibek onomastikalyq komissiiaǵa qaitalanatyn 112 kósheniń atyn ózgertý týraly usynys jasalǵannan keiin, ziialy qaýym ókilderi, qala turǵyndary jáne ásirese jastar tarapynan megapolistegi basty kósheniń biri - Fýrmanov ataýyn táýelsiz Qazaqstannyń irgesin qalaǵan Elbasynyń esimine ózgertý týraly kóptegen usynys túskenin aitqan.
Derekkózi: KTK arnasy
