Osy máseleni damytýǵa arnalǵan «Bilim alýshylardyń fýnksıonaldyq saýattylyǵyn qalyptastyrý úshin «4K» modelin damytýdyń bilim berý tehnologıasy» taqyrybyndaǵy 80 saǵattyq biliktilikti arttyrý kýrsyn barlyq pán muǵalimderine 2022 jyldyń 28.03 – 08.04 aralyǵynda «Órleý» BAUO» AQ fılıaly Almaty qalasy boıynsha Kásibı damý ınstıtýty JjGPOÁ kafedrasynyń aǵa oqytýshysy, gýmanıtarlyq ǵylymdarynyń magıstri, trener Esentaeva Aıjan Ydyrysqyzy ótkizdi. Kýrsqa 26 qala mektepteriniń muǵalimderi qatysty. Kýrsta bilim alýshylardyń shyǵarmashylyq (kreatıvti oılaý) qabiletin, synı turǵydan oılaýyn, qarym-qatynasyn jáne toptyq jumysty damytýda fýnksıonaldyq saýattylyqty oqýshylarǵa qalyptastyrýdyń tájirıbelik joldaryn kórsetýge, jasaýǵa basymdyq berildi.
Kýrstyń oqý josparyna sáıkes, 6-sáýir kúni Almaty qalasyndaǵy №178 mamandandyrylǵan lıseı bazasynda «4K» modeliniń damý tarıhy, «4K» modelin jáne «Soft Skills» daǵdylaryn qalyptastyrý qurylymy, Bilim alýshylardyń fýnksıonaldyq saýattylyǵyn qalyptastyrý úshin oqytýdyń ınovasıalyq tehnologıalary men ınteraktıvti ádisteri» taqyrybynda 8 saǵattyq kóshpeli tájirıbelik sabaq ótkizildi.
Maqsaty: Bilim alýshylardyń Soft Skills daǵdylaryn damytýda belsendi ádisterdi qoldaný. Soft Sklls daǵdylardy damytýdyń mańyzdylyǵyn taldaý. Soft Sklls daǵdylaryn damytýda pedagogıkalyq tásilderdi oqý prosesinde qoldaný.
Kóshpeli tájirıbelik sabaqqa qatysýshylardy №178 mamandandyrylǵan lıseı dırektory, sheber-menedjer, bilikti kóshbasshy-pedagog Shadıev Kaıratbek Hamzahanovıch pen dırektordyń oqý isi jónindegi orynbasary, sheber-menedjer Dáýletbaeva Gúlnafıs Abatovna bastaǵan mektep ujymy erekshe qonaqjaılylyqpen qarsy aldy. Tájirıbelik sabaqtar aıasynda kýrs tyńdaýshylary lıseıdiń tynys-tirshiligi týraly maǵlumat alyp, lıseı ǵımaratyndaǵy zamanaýı robottehnıka, sarǵysh, jasyl, kók, sary IT, Rýhanı jańǵyrý kabınetterin aralady. Kitaphana bazasy jáne Tuńǵysh Prezıdentke arnalǵan murajaıǵa saıahat jasady.
Kýrs tyńdaýshylary «Tájirıbeni damytý» shara aıdarynda lıseıdiń tájirıbeli ustazdary: qazaq tili men ádebıeti páni muǵalimi, pedagog-zertteýshi Aýelbekova Aıman Aıtjanovna 7-synypta M.Shahanov «Narynqum tragedıasy» shyǵarmasy, matematıka pániniń muǵalimi, pedagog-zertteýshi, Sýltanova Gýljan Mynbaevna 9-synypqa «Úshburyshtar jáne sheńber», bıologıa pániniń muǵalimi, pedagog-zertteýshi Djýmabaeva Gýlnar Beısembekovna 10-synypqa «Ortalyq júıke júıesiniń qurylysy» taqyryptarynda tájirıbelik sabaq kórsetti. Sabaq barysynda bilim alýshylardyń joǵary synı oılaý, shyǵarmashylyq oılaý, qarym-qatynas daǵdylaryn, fýnksıonaldyq saýattylyqty damytý úshin oqý prosesi ashyq formattaǵy tapsyrmalar arqyly uıymdastyryldy. Jeke qasıetterdi qalyptastyrýda belsendi ádister qoldanyldy. Sabaqtan keıingi keri baılanys syndarly kásibı oı almasýlar bolyp, naqty ári qundy pikirler aıtyldy. «Bile júreıik» aıdary boıynsha trener 4 K tujyrymdamasyndaǵy bilimderdi qalyptastyrýdyń tájirıbelik mańyzdylyǵyna toqtalyp oqytýdyń birlesken jumys qımylyndaǵy jáne suraq-jaýap tásilderiniń róli basym ekeni týraly oı qozǵady.
Sonymen qatar, KTS barysyndaǵy mańyzdy sát – 4 sáýir kúni Almaty qalasy aýamaǵynan alǵash bolyp «PISA» halyqaralyq ǵylymyı zertteý synamasyna qatysqan 15 jasataǵy 9 jáne 10-synyp oqýshylarymen «Suqbat» aıdary boıynsha tikeleı kezdesý uıymdastyryldy. Arnaıy «Tapsyrmalardy oryndaý qıyn/ońaı boldy ma?, Mejelengen ýaqytta tapsyrmalardy tolyq oryndap shyqtyńdar ma? Tolyq oryndaı almaǵan bolsańdar, sebebi nede dep oılaısyzdar?, Mektep muǵalimderi qandaı tapsyrmalarmen bilim berýdi uıymdastyrý kerek dep esepteısińder?» degen suraqtarǵa oqýshy kózqarasymen ashyq jaýaptar alyndy. Oqýshylardyń kópshiligi matematıkalyq saýattylyq suraqtaryna jaýap berý qıyn bolmaǵanyn tilge tıek etti. Suraqtar oqýlyqtan kelmeıdi eken, ómirlik jaǵdaıatpen baılanystyrylyp kelgen suraqtar óte qyzyq deıdi. Qıyn bolǵany – uzaq mátinderdi oqýǵa, termınderdi túsinýge ýaqyt ketetinin jáne mátinder týra aýdarmamen kelgenin aıtty. Bolashaqta ustazdarymyz sabaqqa uzaq jáne tili qıyn mátindermen jumys jasatyp bizderdi daǵdylandyrsa, logıkalyq suraqtar men jaǵdaıattyq tapsyrmalar men tablısalyq esepterdi kóbirek oryndatsa, – degen usynys-pikirlerin jetkizdi. Bul usynastar kýrs tyńdaýshylarynyń tájirıbeleri týraly oılanýyna jáne damytýǵa túrtki boldy dep esepteımiz. Oqýshylar óz suqbatynda synama qorytyndysy boıynsha joǵary kórsetkishterge qol jetkizetindigine senim bildirdi.
Fýnksıonaldyq saýattylyqtyń negizgi bazasy – oqý-jazý. Qaı pánniń muǵalimi bolmasyn tapsyrmanyń aýzsha, jazbasha, vızýaldy aqparattar, máseleni sheshý túrleri arqyly oqyǵan aqparatty jadysyna saqtaýǵa jáne kez-kelgen jaǵdaıatta qoldanýǵa beıimdeý kerektigi týraly oılanýy kerek.
Semınar sońynda lıseıdiń ónerli oqýshylary kúmbirlegen kúı tartyp, bı bılep, án shyrqady.
№178 mamandandyrylyǵan lıseı bazasynda Aıjan Ydyrysqyzynyń uıymdastyryp ótkizgen KTS sharasy tyńdaýshylar tarapynan joǵary baǵalandy. Osyndaı ıgi jumystardy tájirıbelik turǵydan kórsetip, sheberlikterimen bólisken, oqýshylarymen júzdestirgen mektep ákimshiligine jáne sabaq bergen ustazdarǵa Almaty qalasy boıynsha Kásibı damý ınstıtýty alǵys bildirip, Qurmet gramotasymen marapattady.
«Órleý» Almaty
