Buryn áleýmettik az qamtylǵan sanattarǵa 90 AEK mólsherinde aqshalai kómek bólinetin, bul – 260 myń teńgeden astam.
Endi osy áleýmettik kómektiń mólsheri 130 AEK-ke deiin – 410 myń teńgeden astam somaǵa ulǵaityldy.
Áleýmettik kómekti arttyrý týraly usynysty qalalyq máslihat qoldady. Áleýmettik kómektiń bul túrin alýǵa ótinimdi egov.kz («elektrondyq ótinishter» - «onlain qyzmetke tapsyrys berý») portal arqyly qaldyrýǵa bolady.
«Ustaý» baǵanynda turǵyn úidi gazdandyrýǵa áleýmettik kómek, «alýshy» baǵanynda – jumyspen qamtý jáne áleýmettik qorǵaý basqarmasy tańdalady.
Eske sala keteiik, elordada jeke sektordy gazdandyrý jumysy jalǵasýda. Qazirgi ýaqytta Almaty jáne Saryarqa aýdandary tolyǵymen gazdandyryldy.
Ol úshin qalada 680 shaqyrymnan astam gaz taratý jelileri salynyp, 9 eldi mekenge gaz jetkizildi. Qalǵan eki aýdan boiynsha gaz taratý jelilerin salý jumysy kezeń-kezeńmen júrgizilýde.
Elordany gazdandyrý qala ekologiiasyn aitarlyqtai jaqsartýǵa áser etedi. Qazirgi ýaqytta 3 myńnan astam otbasy gazǵa kóshti.
Bul qazirdiń ózinde 40 myńnan asa otbasy óz úiin kómirmen jylytpaidy degendi bildiredi. Al bul ortasha eseppen 40 myń tonna kómirdi quraidy.
Gazǵa qosylǵan úilerdiń sany kún saiyn artyp keledi. Sonymen qatar JEO-1 jáne JEO-2-degi barlyq sý jylytý qazandyǵy gazǵa aýystyryldy.
Qalany gazdandyrý Memleket basshysynyń tikelei baqylaýynda.
