Kóp adam uiyqtar aldynda da jumysty oilap jatady nemese áleýmettik jelilerdi aqtarady. Sondyqtan tańerteń uiqysy qanbai, sharshap oianady. Eger bul jaǵdai sizge tanys bolsa, mi men deneni tynyshtandyratyn qarapaiym ári paidaly ádis bar — uiyqtar aldynda kitap oqý. Dalanews.kz bul ádet ómirińizge qalai áser etetini týraly usynady.
Uiqy sapasyn jaqsartady
Uiyqtar aldynda gadjet qaraýdyń ornyna kitap oqyńyz. Sol kezde ekrannan shyǵatyn kógildir jaryq azaiady, al bul melatoninniń tabiǵi bólinýine kómektesedi. Sonyń arqasynda tez uiyqtap, tereń uiqy kezeńderi uzarady. Nátijesinde tańerteń sergek ári demalǵan kúide oianasyz.
Midy demaltady
Uiyqtar aldynda jarty saǵat kitap oqý — meditatsiia sekildi áser beredi. Ol kúndi aiaqtaýǵa jáne midy tynyshtandyrýǵa kómektesedi. Osylaisha kúizelis deńgeii tómendep, óz ýaqytyńyz ben kóńil kúiińizge baqylaý ornaidy.
Uiqy rejimi qalyptasady
Kún saiyn bir ýaqytta kitap oqý — ishki biologiialyq saǵatty retteidi. Ýaqyt óte kele aǵzańyz belgili bir ýaqytta uiyqtaýǵa jáne oianýǵa daǵdylanady.
Ýaqytty tiimdi paidalanýǵa kómektesedi
Kúnine 30 minýt — aptasyna shamamen 3,5 saǵat, aiyna 15 saǵat, al jylyna 180 saǵat oqýǵa ketedi. Bul 20–30 kitap degen sóz. Sol arqyly oi-órisińiz keńeiip, buryn oqyǵyńyz kelip júrgen kitaptaryńyzǵa da qol jetkizesiz.
Este saqtaý qabileti artady
Áleýmettik jeliler men habarlamalar nazardy únemi bóledi. Al kitap oqý — midyń nazardy shoǵyrlandyrý qabiletin jattyqtyrady. Siýjetti este saqtap, oqiǵa jelisin baqylaý arqyly este saqtaý men zeiin jaqsarady.
Empatiia men shyǵarmashylyq damidy
Kórkem ádebiet oqý — ózge adamdardyń sezimin, oilaýyn túsinýge kómektesedi. Bul empatiiany kúsheitip, ainalańyzben qarym-qatynasty jaqsartady.
Jumys pen demalys arasyndaǵy shekara aiqyndalady
Qolyńyzǵa kitap alǵan sátte miǵa «jumys kúni aiaqtaldy» degen belgi beresiz. Bul júike júiesin tynyshtandyryp, uiqyǵa beiimdeidi.
Uiyqtar aldynda qandai kitaptar oqyǵan jón?
Uiyqtar aldynda klassikalyq romandardy, otbasylyq kitaptar, sapaly zamanaýi prozany, esselerdi nemese ǵylymi-popýliarlyq kitaptardy oqyǵan durys. Al qorqynyshty, triller, kúrdeli kásibi ádebietterden jáne aýyr dramalardan bas tartqan jón — olar uiqyny buzyp, mazasyzdyq týdyrýy múmkin. Eń bastysy — jańalyqtar men áleýmettik jelilerdi uiyqtar aldynda múlde ashpaý.
