Qazaqstanda gazdandyrý deńgeiin 64,3%-ǵa jetkizý josparlanyp otyr, dep habarlaidy Dalanews.kz Energetika ministrligine silteme jasap.
Vedomstvo málimetinshe, búginde elde shamamen 13 million adam tabiǵi gazǵa qol jetkizgen. 2026 jyldyń qorytyndysy boiynsha gazdandyrý deńgeiin 64,3%-ǵa deiin jetkizý kózdelýde. Bul ótken jylǵy kórsetkishten (62,4%) joǵary.
Ministrliktiń atap ótýinshe, biyl el boiynsha gazdandyrýǵa baǵyttalǵan 40 joba iske asyrylyp jatyr. Sonyń nátijesinde 10 eldi mekende 32 myńnan astam adam tabiǵi gazǵa qosylmaq.
Jobalar Aqtóbe, Batys Qazaqstan, Jambyl, Qaraǵandy, Qostanai, Qyzylorda, Mańǵystaý jáne Túrkistan oblystaryn, sondai-aq Ulytaý men Jetisý oblystaryn qamtidy.
Sonymen qatar "Beineý – Bozoi – Shymkent" magistraldy gaz qubyrynyń ekinshi jelisiniń birinshi kezeńiniń qurylysy jalǵasyp jatyr. Jyl sońyna deiin jylyna 10 mlrd tekshe metrge deiin gaz tasymaldaityn qubyrdyń jelilik bóligin aiaqtaý josparlanǵan.
