Qaıǵyly oqıǵa 16 sáýir kúni keshki saǵat 21:00 shamasynda Shet aýdanyna qarasty Aǵadyr kentinde bolǵan. Aldyn ala derekterge sáıkes, bir baǵytta kele jatqan eki motosıkl soqtyǵysqan, dep habarlaıdy Dalanews.kz.
Saldarynan 37 jáne 17 jastaǵy júrgizýshiler oqıǵa ornynda jan tapsyrdy. Sonymen qatar, taǵy bir adam túrli jaraqatpen medısınalyq mekemege jetkizilgen.
Atalǵan derek boıynsha qylmystyq is tirkelip, mán-jaıdy anyqtaý úshin tergeý amaldary júrgizilýde.
