Қайғылы оқиға 16 сәуір күні кешкі сағат 21:00 шамасында Шет ауданына қарасты Ағадыр кентінде болған. Алдын ала деректерге сәйкес, бір бағытта келе жатқан екі мотоцикл соқтығысқан, деп хабарлайды Dalanews.kz.
Салдарынан 37 және 17 жастағы жүргізушілер оқиға орнында жан тапсырды. Сонымен қатар, тағы бір адам түрлі жарақатпен медициналық мекемеге жеткізілген.
Аталған дерек бойынша қылмыстық іс тіркеліп, мән-жайды анықтау үшін тергеу амалдары жүргізілуде.
