Jambyl oblysynda kámeletke tolmaǵan jasóspirimdi óz-ózine qol jumsaýǵa itermeleý deregi boiynsha úsh adam sottaldy, dep habarlaidy Dalanews.kz.
Qaiǵyly oqiǵa byltyr sáýirde Jambyl aýdanyna qarasty Tastóbe aýylynda bolǵan. 9-synyp oqýshysy óz úiiniń aýlasyndaǵy saraida asylyp qalǵan.
Bul derek boiynsha Qylmystyq kodekstiń 105-baby 3-bóligimen sotqa deiingi tergeý júrgizilip, nátijesinde 22 jastaǵy aýyl turǵyny men 10-11-synypta oqityn eki oqýshy kúdikti dep tanylǵan.
Tergeý barysynda joǵary synyp oqýshylary arasynda beiresmi "kóshe tártibi" qalyptasqany anyqtalǵan. Sonyń saldarynan úlkenderdiń tarapynan júieli qorqytý, psihologiialyq qysym kórsetý jáne májbúrli eńbekke tartý tirkelgen. Sońǵy kúnderi marqum jastar arasynda "avtoritet" dep tanylǵan, joǵaryda aitylǵan adamnyń úiinde májbúrli túrde qurylys jumystaryn atqarǵan.
Qylmystyq is 2025 jylǵy 5 qyrkúiekte sotqa joldanǵan. Sot otyrysynda aiyptalýshylardyń kinási tolyq dáleldengen.
2026 jylǵy 16 sáýirdegi úkimge sáikes negizgi aiyptalýshy 8 jylǵa bas bostandyǵynan aiyryldy. Onyń kámeletke tolmaǵan eki sybailasyna 5 jyl jaza taǵaiyndaldy. Úkim ázirge zańdy kúshine engen joq.
