جامبىل وبلىسىندا كەمەلەتكە تولماعان جاسٶسپٸرٸمدٸ ٶز-ٶزٸنە قول جۇمساۋعا يتەرمەلەۋ دەرەگٸ بويىنشا ٷش ادام سوتتالدى, دەپ حابارلايدى Dalanews.kz.
قايعىلى وقيعا بىلتىر سەۋٸردە جامبىل اۋدانىنا قاراستى تاستٶبە اۋىلىندا بولعان. 9-سىنىپ وقۋشىسى ٶز ٷيٸنٸڭ اۋلاسىنداعى سارايدا اسىلىپ قالعان.
بۇل دەرەك بويىنشا قىلمىستىق كودەكستٸڭ 105-بابى 3-بٶلٸگٸمەن سوتقا دەيٸنگٸ تەرگەۋ جٷرگٸزٸلٸپ, نەتيجەسٸندە 22 جاستاعى اۋىل تۇرعىنى مەن 10-11-سىنىپتا وقيتىن ەكٸ وقۋشى كٷدٸكتٸ دەپ تانىلعان.
تەرگەۋ بارىسىندا جوعارى سىنىپ وقۋشىلارى اراسىندا بەيرەسمي "كٶشە تەرتٸبٸ" قالىپتاسقانى انىقتالعان. سونىڭ سالدارىنان ٷلكەندەردٸڭ تاراپىنان جٷيەلٸ قورقىتۋ, پسيحولوگييالىق قىسىم كٶرسەتۋ جەنە مەجبٷرلٸ ەڭبەككە تارتۋ تٸركەلگەن. سوڭعى كٷندەرٸ مارقۇم جاستار اراسىندا "اۆتوريتەت" دەپ تانىلعان, جوعارىدا ايتىلعان ادامنىڭ ٷيٸندە مەجبٷرلٸ تٷردە قۇرىلىس جۇمىستارىن اتقارعان.
قىلمىستىق ٸس 2025 جىلعى 5 قىركٷيەكتە سوتقا جولدانعان. سوت وتىرىسىندا ايىپتالۋشىلاردىڭ كٸنەسٸ تولىق دەلەلدەنگەن.
2026 جىلعى 16 سەۋٸردەگٸ ٷكٸمگە سەيكەس نەگٸزگٸ ايىپتالۋشى 8 جىلعا باس بوستاندىعىنان ايىرىلدى. ونىڭ كەمەلەتكە تولماعان ەكٸ سىبايلاسىنا 5 جىل جازا تاعايىندالدى. ٷكٸم ەزٸرگە زاڭدى كٷشٸنە ەنگەن جوق.
