Shymkentte Ádilet departamentiniń qyzmetkerleri Coca-Cola brendimen qoldan jasalǵan kontrafakt ónimderdi anyqtady, dep habarlaidy Dalanews.kz.
Ádilet ministrligi málimetinshe, qala bazarlarynda jospardan tys tekseris nátijesinde Coca-Cola brendiniń atyn jamylyp jasalǵan ónimder satylǵany anyqtalǵan. Bul tekseriske The Coca-Cola Company kompaniiasynyń resmi ótinishi negiz bolǵan. Olar ózderiniń quqyǵy buzylǵanyn, qala sórelerinde shyǵý tegi kúmándi ónimder paida bolǵanyn habarlaǵan.
"Jospardan tys tekseris barysynda kontrafakt sýsyndardyń iri partiiasyn satý deregi rastaldy. Ónimderde qoldan jasaý belgileri, tańbalaý standarttary buzylǵany jáne tiisti ruqsat qujattary bolmaǵany anyqtaldy", - dep jazylǵan habarlamada.
Bul derek boiynsha ákimshilik is qozǵalyp, materialdar sotqa joldandy.
