شىمكەنتتە ادىلەت دەپارتامەنتىنىڭ قىزمەتكەرلەرى Coca-Cola برەندىمەن قولدان جاسالعان كونترافاكت ونىمدەردى انىقتادى، دەپ حابارلايدى Dalanews.kz.
ادىلەت مينيسترلىگى مالىمەتىنشە، قالا بازارلارىندا جوسپاردان تىس تەكسەرىس ناتيجەسىندە Coca-Cola برەندىنىڭ اتىن جامىلىپ جاسالعان ونىمدەر ساتىلعانى انىقتالعان. بۇل تەكسەرىسكە The Coca-Cola Company كومپانياسىنىڭ رەسمي ءوتىنىشى نەگىز بولعان. ولار وزدەرىنىڭ قۇقىعى بۇزىلعانىن، قالا سورەلەرىندە شىعۋ تەگى كۇماندى ونىمدەر پايدا بولعانىن حابارلاعان.
"جوسپاردان تىس تەكسەرىس بارىسىندا كونترافاكت سۋسىنداردىڭ ءىرى پارتياسىن ساتۋ دەرەگى راستالدى. ونىمدەردە قولدان جاساۋ بەلگىلەرى، تاڭبالاۋ ستاندارتتارى بۇزىلعانى جانە ءتيىستى رۇقسات قۇجاتتارى بولماعانى انىقتالدى"، - دەپ جازىلعان حابارلامادا.
بۇل دەرەك بويىنشا اكىمشىلىك ءىس قوزعالىپ، ماتەريالدار سوتقا جولداندى.
