Perizat Qairat isi boiynsha tárkilengen qymbat kóliktiń qaida ekeni belgisiz, dep habarlaidy Dalanews.kz.
Informburo saýalyna jaýap bergen Qarjylyq monitoring agenttigi tárkilengen Lexus LX 600 avtokóligi mekeme balansynda joq ekenin málimdedi.
Atalǵan qara tústi jol talǵamaityn kólik 2025 jyldyń qarasha aiynda satylymǵa shyǵarylǵan. Memlekettik nómiri 100PKO01 bolǵan avtokólik Perizat Qairattyń anasy Ǵaini Alashbaevanyń aǵasynyń atyna tirkelgen. Kólik 79 121 985 teńgege baǵalanǵan.
“Alaida buǵan deiin, biyl sáýir aiynda Astana qalasynyń Memlekettik múlik jáne jekeshelendirý departamenti bul kólik 2025 jylǵy 1 jeltoqsanda Qarjylyq monitoring agenttiginiń balansyna berilgenin habarlaǵan edi”, - deidi derekkóz.
Biraq agenttik bul aqparatty joqqa shyǵarǵan.
“Qazirgi ýaqytta atalǵan avtokólik agenttiktiń balansynda joq”, – delingen resmi jaýapta.
Aita keteiik, 7 sáýir kúni tárkilengen Mercedes-Benz S450 jáne Haval H6 GT kólikterin satý boiynsha da aýktsion ótken. Saýda qorytyndysy boiynsha bul lottardyń jeńimpazy Astana qalasynyń Politsiia departamenti atandy.
