Astanada Joǵary aýdıtorlyq palata ǵımaratyn salý úshin 26 turǵyn úı súriledi, dep habarlaıdy Dala News.
Qalalyq Turǵyn úı jáne turǵyn úı ınspeksıasy basqarmasynyń málimetinshe, tıisti sheshim 2024 jylǵy 23 mamyrdaǵy ákimdik qaýlysy negizinde qabyldanǵan.
Joba Kereı, Jánibek handar jáne Oral kósheleriniń qıylysynda júzege asyrylady.
Qazirgi tańda:
•26 úıdiń 14-i satyp alynǵan;
•12 úı boıynsha ótemaqy máselesi sotta qaralyp jatyr.
Mekemeniń málimetinshe, múliktiń quny táýelsiz baǵalaý uıymdary arqyly naryqtyq baǵamen anyqtalady.
Eger menshik ıeleri usynylǵan ótemaqymen kelispese, jer telimderin májbúrli túrde alý sot arqyly júzege asyrylady.
Bul jaǵdaıda sot arnaıy saraptama taǵaıyndap, sonyń qorytyndysy boıynsha ótemaqy kólemin belgileıdi.
Qorytyndy tólem mólsheri sot sheshimimen bekitiledi.
