استانادا جوعارى اۋديتورلىق پالاتا عيماراتىن سالۋ ءۇشىن 26 تۇرعىن ءۇي سۇرىلەدى، دەپ حابارلايدى Dala News.
قالالىق تۇرعىن ءۇي جانە تۇرعىن ءۇي ينسپەكسياسى باسقارماسىنىڭ مالىمەتىنشە، ءتيىستى شەشىم 2024 جىلعى 23 مامىرداعى اكىمدىك قاۋلىسى نەگىزىندە قابىلدانعان.
جوبا كەرەي، جانىبەك حاندار جانە ورال كوشەلەرىنىڭ قيىلىسىندا جۇزەگە اسىرىلادى.
قازىرگى تاڭدا:
•26 ءۇيدىڭ 14ء-ى ساتىپ الىنعان؛
•12 ءۇي بويىنشا وتەماقى ماسەلەسى سوتتا قارالىپ جاتىر.
مەكەمەنىڭ مالىمەتىنشە، مۇلىكتىڭ قۇنى تاۋەلسىز باعالاۋ ۇيىمدارى ارقىلى نارىقتىق باعامەن انىقتالادى.
ەگەر مەنشىك يەلەرى ۇسىنىلعان وتەماقىمەن كەلىسپەسە، جەر تەلىمدەرىن ءماجبۇرلى تۇردە الۋ سوت ارقىلى جۇزەگە اسىرىلادى.
بۇل جاعدايدا سوت ارنايى ساراپتاما تاعايىنداپ، سونىڭ قورىتىندىسى بويىنشا وتەماقى كولەمىن بەلگىلەيدى.
قورىتىندى تولەم مولشەرى سوت شەشىمىمەن بەكىتىلەدى.
