Elordada 50 myńnan astam júrgizýshi turaq erejesin buzǵany úshin jaýapkershilikke tartyldy, dep habarlaidy Dalanews.kz.
Politsiia málimetinshe, mundai zańbuzýshylyqtar turǵyndarǵa naqty qolaisyzdyq týdyrady: jol qozǵalysyna kedergi keltiredi, kireberisterge, pandýstarǵa jáne aýla aýmaqtaryna kirýdi qiyndatady. Kei jaǵdailarda múmkindigi shekteýli azamattar men balalar arbasymen júrgen ata-analardyń qozǵalysyn shekteidi.
Quqyqbuzýshylyqtar patrýldeý barysynda da, beinebaqylaý kameralarynyń jazbalaryn taldaý arqyly da anyqtalady. Ásirese turǵyn úilerdiń aýlalaryna, sondai-aq ákimshilik jáne qoǵamdyq ǵimarattar mańyna erekshe nazar aýdarylady.
Bir kúnniń ózinde Astanada toqtaý jáne turaq erejelerin buzǵany úshin shamamen 130 júrgizýshi jaýapqa tartylǵan. Taǵy 140-qa jýyq júrgizýshi jol belgileri men tańbalaryn saqtamaǵany úshin jazalanǵan. Sonymen qatar 200-den astam kóliktiń turaq jáne aialdaý erejelerin buzǵany anyqtalyp, memlekettik tirkeý nómirleri sheship alynǵan.
