Almatyda myńdaǵan jetim balany baýyryna basqan Ámina apa ashqan "Perzent" balalar úiinde órt shyqty, dep habarlaidy Dalanews.kz.
"Eń keremeti órt kezinde Quran kitap qana qalypty. Túk bolmaǵan", - deidi Ámina apa.
Ol órtti sóndirýge kómektesken TJD qyzmetkerlerine alǵysyn aitty.
Aita keteiik, kúni keshe saǵat 15:48-ten bastap órt sóndirýshiler Naýryzbai aýdany, Altyn Orda kóshesi boiynda ornalasqan ǵimarattaǵy órtti sóndirdi.
Órt shyqqan sátte balalar úiinde 35 tárbielenýshi jáne qyzmetkerler bolǵan. Barlyǵy der kezinde evakýatsiialandy. Zardap shekkender joq.
Almaty ákimdiginiń málimetinshe, qazirgi ýaqytta balalar ýaqytsha saýyqtyrý sanatoriiine ornalastyryldy. Onda qajetti kómek pen qoldaý kórsetilýde.
Balalarǵa tamaq berilip, jaiǵastyryldy. Olar syrt kiimmen, azyq-túlikpen jáne jeke gigiena quraldarymen qamtylǵan. Sondai-aq tárbielenýshilerge táttiler berildi.
Oqiǵa ornynda Almaty qalasy ákimdigi men Qoǵamdyq keńes ókilderi, Naýryzbai aýdanynyń qorǵanshylyq jáne qamqorshylyq qyzmeti, sondai-aq Otbasyny qoldaý ortalyǵy men Balalardy qoldaý ortalyǵynyń mamandary jumys istep jatyr. Jaǵdai tolyq baqylaýda.
