2026 jylǵy 12 aqpanda Gýanchjoý qalasynda Qazaqstandaǵy jetekshi avtokólik óndirýshi jáne dıstrıbútor Allur kompanıasy men GAC International arasynda KD óndirisi salasyndaǵy ónerkásiptik yntymaqtastyq týraly kelisimge qol qoıyldy, dep habarlaıdy Dalanews.kz.
Kelisimge qol qoıý halyqaralyq ónerkásiptik seriktestikti damytýdaǵy mańyzdy kezeń jáne Qazaqstanda avtokólik óndirisin lokalızasıalaýdeńgeıin ulǵaıtýǵa baǵyttalǵan. Jobany iske asyrý lokalızasıalyq óndiristi, dılerlik jelini damytý men marketıńtik ınfraqurylymdy qosa alǵanda qosylǵan qunnyń tolyq tizbegin qalyptastyrýprosesine kóshýge múmkindik beredi.
Kelisim sondaı-aq Qazaqstannyń Ortalyq Azıa men TMD óńirindegi negizgi avtokólik haby retindegi róliniń artyp kele jatqanyn kórsetedi jáne eldiń joǵary tehnologıalyq mashına jasaý salasyn damytý alańy retindegi pozısıasyn nyǵaıtady.
Qol qoıý rásimine GAC Group bas dırektorynyń orynbasary, GAC International tóraǵasy Chen Szásaı myrza jáne Allur prezıdenti Oksana Holstınına hanym qatysty. Qujatqa GAC International bas dırektorynyń orynbasary Lý Veısýn myrza jáne Allur kompanıasynyń dıstrıbýsıa jónindegi vıse-prezıdenti Maksım Mágchılov myrza qol qoıdy.
TMD naryǵyn damytý jáne óndiristi lokalızasıalaý
Taraptar Qazaqstandy TMD óńirindegi strategıalyq naryq ári Eýrazıa qurlyǵyn baılanystyratyn mańyzdy kólik-logıstıkalyq torap retinde qarastyrady. Sońǵy jyldary el naryǵyndaǵy qytaılyq avtokólik brendteriniń úlesi aıtarlyqtaı ósti - 2020 jylǵy 3,8%-dan 2025 jyly 38,5%-ǵa deıin jetip, salanyń ósýiniń negizgi faktorlarynyń birine aınaldy.
Allur men GAC International yntymaqtastyǵy Qazaqstanda óndiristi lokalızasıalaý prosesin damytýǵa, keıinnen TMD naryǵyna shyǵýǵabaǵyttalǵan óndiristik bazany qurýdy kózdeıdi. Joba zamanaýı óndiristik sheshimderdi engizýdi, KD-jınaqtaý salasyndaǵy quzyretterdi damytýdy jáne lokalızasıalaý deńgeıin kezeń-kezeńimen arttyrýdy qarastyrady.
GAC International - Qytaı avtokólik ónerkásibiniń jetekshi halyqaralyq bólimsheleriniń biri. Kompanıada damyǵan ǵylymı-zertteý jáne tájirıbelik-konstrýktorlyq jumystar júıesi, zamanaýı óndiristik qýattar jáne álemniń ártúrli óńirlerinde lokalızasıalaý tájirıbesi bar. Kompanıa birqatar halyqaralyq óndiristik jobalardy iske asyryp, KD-óndiristi uıymdastyrý boıynsha eleýli tájirıbe jınaqtaǵan.
Óndiristik quzyretter sınergıasy
Allur - jylyna 125 000-nan astam avtokólik óndirý qýaty bar Qazaqstannyń avtokólik ónerkásibindegi eń iri oıynshy. Kompanıanyń jalpy aýmaǵy 356 000 sharshy metrdi quraıtyn óndiristik alańy bar, ondajeńil jáne komersıalyq avtokólik shyǵarady. Kompanıa portfeline Chevrolet, Kia, JAC, Jetour, Skoda, Geely Galaxy, MG jáne Soueast brendteri kiredi, sondaı-aq óńirdegi eń iri dılerlik jelige ıe.
Kelisim aıasynda taraptar Qazaqstanda GAC avtokólikteriniń tolyq modeldik qataryn, sonyń ishinde ishten janý qozǵaltqyshy bar, gıbrıdti jáne elektrli avtokólikterdi óndirýdi uıymdastyrýdy josparlap otyr. Joba turaqty ónerkásiptik bazany qalyptastyrýǵa jáne avtokólik óndirisin lokalızasıalaý deńgeıin arttyrýǵa baǵyttalǵan.
Allur prezıdenti Oksana Holstınına GAC-pen yntymaqtastyq salany damytýǵa jáne Qazaqstan naryǵyndaǵy ónim jelisin keńeıtýge qosymsha múmkindikter ashatynyn atap ótti.
GAC International ókilderi Allur-men seriktestik kompanıanyń TMD óńirindegi qatysýyn keńeıtýdiń mańyzdy kezeńi ekenin jáne zamanaýı tehnologıalyq sheshimderdi eskere otyryp, jergilikti naryqtyń áleýetin iske asyrýǵa múmkindik beretinin jetkizdi.
Salany jáne ekonomıkany damytýǵa qosqan úles
Jobany iske asyrý óndiristik tizbekti damytýǵa, jańa jumys oryndaryn qurýǵa, Qazaqstannyń avtokólik ónerkásibiniń tehnologıalyq deńgeıin arttyrýǵa yqpal etedi.
Uzaq merzimdi perspektıvada taraptardyń yntymaqtastyǵy eksporttyq áleýetti damytýǵa, Ortalyq Azıa men TMD naryqtaryndaǵy qatysýdy keńeıtýge, sondaı-aq Qazaqstannyń óńirdegi avtokólik óndirisiniń negizgi ortalyqtarynyń biri retindegi pozısıasyn nyǵaıtýǵa baǵyttalǵan.
