2026 جىلعى 12 اقپاندا گۋانچجوۋ قالاسىندا قازاقستانداعى جەتەكشى اۆتوكولىك ءوندىرۋشى جانە ديستريبيۋتور Allur كومپانياسى مەن GAC International اراسىندا KD ءوندىرىسءى سالاسىنداعى ونەركاسىپتىك ىنتىماقتاستىق تۋرالى كەلىسىمگە قول قويىلدى، دەپ حابارلايدى Dalanews.kz.
كەلىسىمگە قول قويۋ حالىقارالىق ونەركاسىپتىك سەرىكتەستىكتى دامىتۋداعى ماڭىزدى كەزەڭ جانە قازاقستاندا اۆتوكولىك ءوندىرىسىن لوكاليزاسيالاۋدەڭگەيىن ۇلعايتۋعا باعىتتالعان. جوبانى ىسكە اسىرۋ لوكاليزاسيالىق ءوندىرىستى، ديلەرلىك جەلىنى دامىتۋ مەن ماركەتينگتىك ينفراقۇرىلىمدى قوسا العاندا قوسىلعان قۇننىڭ تولىق تىزبەگىن قالىپتاستىرۋپروسەسسىنە كوشۋگە مۇمكىندىك بەرەدى.
كەلىسىم سونداي-اق قازاقستاننىڭ ورتالىق ازيا مەن تمد وڭىرىندەگى نەگىزگى اۆتوكولىك حابى رەتىندەگى ءرولىنىڭ ارتىپ كەلە جاتقانىن كورسەتەدى جانە ەلدىڭ جوعارى تەحنولوگيالىق ماشينا جاساۋ سالاسىن دامىتۋ الاڭى رەتىندەگى پوزيسياسىن نىعايتادى.
قول قويۋ راسىمىنە GAC Group باس ديرەكتورىنىڭ ورىنباسارى، GAC International ءتوراعاسى چەن سزياساي مىرزا جانە Allur پرەزيدەنتى وكسانا حولستينينا حانىم قاتىستى. قۇجاتقا GAC International باس ديرەكتورىنىڭ ورىنباسارى لۋ ۆەيسۋن مىرزا جانە Allur كومپانياسىنىڭ ديستريبۋسيا جونىندەگى ۆيسە-پرەزيدەنتى ماكسيم مياگچيلوۆ مىرزا قول قويدى.
تمد نارىعىن دامىتۋ جانە ءوندىرىستى لوكاليزاسيالاۋ
تاراپتار قازاقستاندى تمد وڭىرىندەگى ستراتەگيالىق نارىق ءارى ەۋرازيا قۇرلىعىن بايلانىستىراتىن ماڭىزدى كولىك-لوگيستيكالىق توراپ رەتىندە قاراستىرادى. سوڭعى جىلدارى ەل نارىعىنداعى قىتايلىق اۆتوكولىك برەندتەرىنىڭ ۇلەسى ايتارلىقتاي ءوستى - 2020 جىلعى 3،8%-دان 2025 جىلى 38،5%-عا دەيىن جەتىپ، سالانىڭ ءوسۋىنىڭ نەگىزگى فاكتورلارىنىڭ بىرىنە اينالدى.
Allur مەن GAC International ىنتىماقتاستىعى قازاقستاندا ءوندىرىستى لوكاليزاسيالاۋ پروسەسسىن دامىتۋعا، كەيىننەن تمد نارىعىنا شىعۋعاباعىتتالعان وندىرىستىك بازانى قۇرۋدى كوزدەيدى. جوبا زاماناۋي وندىرىستىك شەشىمدەردى ەنگىزۋدى، KD-جيناقتاۋ سالاسىنداعى قۇزىرەتتەردى دامىتۋدى جانە لوكاليزاسيالاۋ دەڭگەيىن كەزەڭ-كەزەڭىمەن ارتتىرۋدى قاراستىرادى.
GAC International - جۇڭگو اۆتوكولىك ونەركاسىبىنىڭ جەتەكشى حالىقارالىق بولىمشەلەرىنىڭ ءبىرى. كومپانيادا دامىعان عىلىمي-زەرتتەۋ جانە تاجىريبەلىك-كونسترۋكتورلىق جۇمىستار جۇيەسى، زاماناۋي وندىرىستىك قۋاتتار جانە الەمنىڭ ءارتۇرلى وڭىرلەرىندە لوكاليزاسيالاۋ تاجىريبەسى بار. كومپانيا ءبىرقاتار حالىقارالىق وندىرىستىك جوبالاردى ىسكە اسىرىپ، KDء-وندىرىستى ۇيىمداستىرۋ بويىنشا ەلەۋلى تاجىريبە جيناقتاعان.
وندىرىستىك قۇزىرەتتەر سينەرگياسى
Allur - جىلىنا 125 000-نان استام اۆتوكولىك ءوندىرۋ قۋاتى بار قازاقستاننىڭ اۆتوكولىك ونەركاسىبىندەگى ەڭ ءىرى ويىنشى. كومپانيانىڭ جالپى اۋماعى 356 000 شارشى مەتردى قۇرايتىن وندىرىستىك الاڭى بار، ونداجەڭىل جانە كوممەرسيالىق اۆتوكولىك شىعارادى. كومپانيا پورتفەلىنە Chevrolet، Kia، JAC، Jetour، Skoda، Geely Galaxy، MG جانە Soueast برەندتەرى كىرەدى، سونداي-اق وڭىردەگى ەڭ ءىرى ديلەرلىك جەلىگە يە.
كەلىسىم اياسىندا تاراپتار قازاقستاندا GAC اۆتوكولىكتەرىنىڭ تولىق مودەلدىك قاتارىن، سونىڭ ىشىندە ىشتەن جانۋ قوزعالتقىشى بار، گيبريدتى جانە ەلەكترلى اۆتوكولىكتەردى ءوندىرۋدى ۇيىمداستىرۋدى جوسپارلاپ وتىر. جوبا تۇراقتى ونەركاسىپتىك بازانى قالىپتاستىرۋعا جانە اۆتوكولىك ءوندىرىسىن لوكاليزاسيالاۋ دەڭگەيىن ارتتىرۋعا باعىتتالعان.
Allur پرەزيدەنتى وكسانا حولستينينا GAC-پەن ىنتىماقتاستىق سالانى دامىتۋعا جانە قازاقستان نارىعىنداعى ءونىم جەلىسىن كەڭەيتۋگە قوسىمشا مۇمكىندىكتەر اشاتىنىن اتاپ ءوتتى.
GAC International وكىلدەرى Allur-مەن سەرىكتەستىك كومپانيانىڭ تمد وڭىرىندەگى قاتىسۋىن كەڭەيتۋدىڭ ماڭىزدى كەزەڭى ەكەنىن جانە زاماناۋي تەحنولوگيالىق شەشىمدەردى ەسكەرە وتىرىپ، جەرگىلىكتى نارىقتىڭ الەۋەتىن ىسكە اسىرۋعا مۇمكىندىك بەرەتىنىن جەتكىزدى.
سالانى جانە ەكونوميكانى دامىتۋعا قوسقان ۇلەس
جوبانى ىسكە اسىرۋ وندىرىستىك تىزبەكتى دامىتۋعا، جاڭا جۇمىس ورىندارىن قۇرۋعا، قازاقستاننىڭ اۆتوكولىك ونەركاسىبىنىڭ تەحنولوگيالىق دەڭگەيىن ارتتىرۋعا ىقپال ەتەدى.
ۇزاق مەرزىمدى پەرسپەكتيۆادا تاراپتاردىڭ ىنتىماقتاستىعى ەكسپورتتىق الەۋەتتى دامىتۋعا، ورتالىق ازيا مەن تمد نارىقتارىنداعى قاتىسۋدى كەڭەيتۋگە، سونداي-اق قازاقستاننىڭ وڭىردەگى اۆتوكولىك ءوندىرىسىنىڭ نەگىزگى ورتالىقتارىنىڭ ءبىرى رەتىندەگى پوزيسياسىن نىعايتۋعا باعىتتالعان.
