2026 jylǵy 16 sáýir kúni Óskemen qalasyndaǵy Oskemen Hub ortalyǵynda «Jasandy intellekt jáne zamanaýi tehnologiialar qalai jumys isteidi. Búgingi tańda jasandy intellekt qandai salalarda qoldanylady» taqyrybynda tanymdyq ekskýrsiia uiymdastyryldy, dep habarlaidy Dalanews.kz.
Is-sharanyń maqsaty – mektep oqýshylaryna jasandy intellekttiń jumys isteý printsipterin túsindirý, sondai-aq onyń qazirgi qoǵamdaǵy róli men túrli salalardaǵy qoldanylý múmkindikterin tanystyrý boldy.
Ekskýrsiiaǵa Glýbokoe aýdanyndaǵy «Opytnoepole jalpy bilim berý mektebi» KMM jáne «Daryndy balalarǵa arnalǵan oblystyq mamandandyrylǵan mektep-litsei-internaty» KMM bilim berý uiymdarynyń oqýshylary qatysty. Qatysýshylar Oskemen Hub ortalyǵynyń qyzmetimen tanysyp, zamanaýi tehnologiialardyń damý úrdisteri týraly mańyzdy aqparat aldy.
Baǵdarlama barysynda oqýshylarǵa jasandy intellekttiń bilim berý, meditsina, óndiris, biznes jáne IT salalarynda qoldanylýy týraly túsindirildi. Sonymen qatar, olar interaktivti formatta túrli tehnologiialyq sheshimdermen tanysyp, óz suraqtaryna jaýap aldy.
Mundai is-sharalar jas urpaqtyń tsifrlyq saýattylyǵyn arttyrýǵa, jańa tehnologiialarǵa qyzyǵýshylyǵyn damytýǵa jáne bolashaq mamandyq tańdaýǵa baǵyt beredi.
