2026 جىلعى 16 سەۋٸر كٷنٸ ٶسكەمەن قالاسىنداعى Oskemen Hub ورتالىعىندا «جاساندى ينتەللەكت جەنە زاماناۋي تەحنولوگييالار قالاي جۇمىس ٸستەيدٸ. بٷگٸنگٸ تاڭدا جاساندى ينتەللەكت قانداي سالالاردا قولدانىلادى» تاقىرىبىندا تانىمدىق ەكسكۋرسييا ۇيىمداستىرىلدى, دەپ حابارلايدى Dalanews.kz.
ٸس-شارانىڭ ماقساتى – مەكتەپ وقۋشىلارىنا جاساندى ينتەللەكتتٸڭ جۇمىس ٸستەۋ پرينتسيپتەرٸن تٷسٸندٸرۋ, سونداي-اق ونىڭ قازٸرگٸ قوعامداعى رٶلٸ مەن تٷرلٸ سالالارداعى قولدانىلۋ مٷمكٸندٸكتەرٸن تانىستىرۋ بولدى.
ەكسكۋرسيياعا گلۋبوكوە اۋدانىنداعى «وپىتنوەپولە جالپى بٸلٸم بەرۋ مەكتەبٸ» كمم جەنە «دارىندى بالالارعا ارنالعان وبلىستىق مامانداندىرىلعان مەكتەپ-ليتسەي-ينتەرناتى» كمم بٸلٸم بەرۋ ۇيىمدارىنىڭ وقۋشىلارى قاتىستى. قاتىسۋشىلار Oskemen Hub ورتالىعىنىڭ قىزمەتٸمەن تانىسىپ, زاماناۋي تەحنولوگييالاردىڭ دامۋ ٷردٸستەرٸ تۋرالى ماڭىزدى اقپارات الدى.
باعدارلاما بارىسىندا وقۋشىلارعا جاساندى ينتەللەكتتٸڭ بٸلٸم بەرۋ, مەديتسينا, ٶندٸرٸس, بيزنەس جەنە IT سالالارىندا قولدانىلۋى تۋرالى تٷسٸندٸرٸلدٸ. سونىمەن قاتار, ولار ينتەراكتيۆتٸ فورماتتا تٷرلٸ تەحنولوگييالىق شەشٸمدەرمەن تانىسىپ, ٶز سۇراقتارىنا جاۋاپ الدى.
مۇنداي ٸس-شارالار جاس ۇرپاقتىڭ تسيفرلىق ساۋاتتىلىعىن ارتتىرۋعا, جاڭا تەحنولوگييالارعا قىزىعۋشىلىعىن دامىتۋعا جەنە بولاشاق ماماندىق تاڭداۋعا باعىت بەرەدٸ.
