Qazaqstanda sheteldik joǵary oqý oryndarynan aýysatyn stýdentterdi UBT nemese keshendi testileýden ótýge mindetteý usynyldy, dep habarlaidy Dala News.
Ǵylym jáne joǵary bilim ministrliginiń buiryq jobasyna sáikes, shetelden aýysatyn nemese qaita oqýǵa qabyldanatyn stýdentter:
•oqý nátijeleri kórsetilgen transkript;
•UBT nemese keshendi testileý sertifikatyn usynýy tiis.
Sertifikattaǵy ball tiisti mamandyq boiynsha belgilengen shekti deńgeiden tómen bolmaýy qajet.
Eger stýdentte UBT nemese KT sertifikaty bolmasa, joǵary oqý orny ony bir akademiialyq kezeńge shartty túrde qabyldai alady. Osy ýaqyt ishinde stýdent test tapsyrýy tiis.
Qujatqa sáikes, ári qarai oqý tek qajetti shekti ball jinaǵan jaǵdaida ǵana jalǵasady.
Sonymen qatar birqatar jeńildikter qarastyrylǵan.
Atap aitqanda:
•álemdik reitingtiń top 700 ýniversitetinen;
•EYDU elderiniń ulttyq reitingindegi top 100 oqý ornynan;
•nemese Qazaqstandaǵy sheteldik JOO filialdarynan aýysatyn stýdentter úshin
UBT nemese KT tapsyrý talaby qoldanylmaidy.
Budan bólek, doktoranttardy qorǵaýǵa jiberý aldynda olardy ýákiletti organnyń tsifrlyq júiesinde tirkeý mindeti engiziledi.
Ministrlik bul ózgeristerdiń maqsaty barlyq talapkerler úshin teń jaǵdai jasaý jáne el ekonomikasyna qajetti básekege qabiletti mamandar daiarlaý ekenin atap ótti.
