Kókshetaýda №13 mektep-gimnaziiasy territoriiasyna engen er adam júgirip júrip, jan-jaǵyn talqandaǵan. Birneshe minýt ishinde ol terezelerdi syndyryp, mekteptiń qulyptaýly syrtqy esigin julyp alǵan, dep habarlaidy Dalanews.kz.
Qalalyq bilim bólimi atalǵan oqiǵanyń 23 naýryzda bolǵanyn naqtylaidy. Er adam, aldymen bas ǵimarattyń terezesin syndyrǵan. Odan keiin ol bastaýysh mektep ǵimaratyna qarai júgirip, qulyptaýly esikti julyp alǵan. Osylaisha týrniketten sekirip ótken ol korpýsqa kirip ketken.
"Kúzetshi birden oqiǵa ornyna jedel áreket etý tobyn shaqyrdy. Er adam ustaldy. Mekteptegilerdiń eshqaisysy zardap shekken joq. Mektep ákimshiligi politsiiaǵa aryz jazdy. Qazir tergeý sharalary júrgizilýde", - deidi bilim bólimindegiler
Aqmola oblystyq politsiia departamentiniń baspasóz qyzmeti er adamnyń esirtkige elitip alǵanyn, qazir quqyq buzýshyǵa qatysty QR ÁQBtK-niń 440-1-baby boiynsha is tirkelgenin naqtylaidy.
