Abai oblysynyń ákimi Berik Ýálidiń tóraǵalyǵymen keńeitilgen apparattyq jiyn ótti. Qala jáne aýdan ákimderi, óńirlik departament basshylary beine rejimde qatysqan otyrysta sý tasqyny kezeńine daiyndyq, negizgi kapitalǵa investitsiialar tartý jáne oblystyń áleýmettik-ekonomikalyq damý kórsetkishteriniń oryndalýy talqylandy, dep habarlaidy Dalanews.kz
Jiynda Jumyldyrý daiarlyǵy jáne azamattyq qorǵaý basqarmasy, Kásipkerlik jáne indýstriialyq-innovatsiialyq damý basqarmasy, Ekonomika jáne biýdjettik josparlaý basqarmasynyń basshylary baiandama jasady.
Óńirde kóktemgi sý tasqyny kezeńin qaýipsiz ótkizý úshin keshendi sharalar qolǵa alynǵan. Jumyldyrý daiarlyǵy jáne azamattyq qorǵaý basqarmasynyń málimetinshe, qazirgi ýaqytta oblystyń 99%-yn qar basqan. Qardyń eń kóp mólsheri Kókpekti, Aqsýat, Jarma, Úrjar, Aiagóz, Maqanshy aýdandarynda tirkelip otyr. Bul aýdandarda sý basý qaýpi joǵary bolǵandyqtan arnaiy baqylaý júrgizilýde.
Aldyn alý sharalary sheńberinde qar shyǵarý jáne sý ótkizý qubyrlaryn tazartý jumysy atqarylýda. Oblys boiynsha 459 myń tekshe metr qar syrtqa tasymaldanǵan. Sý basý qaýpin azaitý úshin 16 myń tonna inertti material, 87 myń dana qap, 171 tonna janar-jaǵarmai qory daiyndaldy.
Tótenshe jaǵdailardyń aldyn alý maqsatynda oblystyq Tótenshe jaǵdailar departamenti janynan jedel shtab qurylyp, táýlik boiy monitoring júrgizýde.
Oblys ákimi barlyq qala-aýdan ákimderine bul baǵyttaǵy jumysty kúsheitýdi, ózender men sý arnalaryn kúndelikti baqylaýda ustaýdy tapsyrdy.
«Bekitilgen jaýapty tulǵalar aýdandarǵa baryp, sol jerden daiyndyq barysy týraly baiandasyn. Jumyldyrý daiarlyǵy jáne azamattyq qorǵaý basqarmasy men jaýapty ákimi orynbasary Dimitrii Garikov jaǵdaidy qatań baqylaýda ustaý kerek. Keshe eki aýdandy aralap, jaǵdaidy óz kózimmen kórip qaittym. Óńirde qar eri bastady. Taýdaǵy qar oiǵa túsip, tasqyn qaýpin týdyrýy ábden múmkin. Soǵan daiyn bolýymyz kerek»,- dedi oblys ákimi.
