«Qaıtarylǵan aktıvterdi basqarý kompanıasy» JSHS 2025 jylǵy 4, 5, 6 jáne 7 naýryzda saǵat 10:00-de E-Qazyna veb-portalynda ótetin aýksıon nysanyndaǵy elektrondyq saýda-sattyqtar týraly habarlady, dep habarlaıdy Dalanews.kz.
Baǵany kóterý formaty boıynsha aýksıonǵa 63 zergerlik buıym qoıylady:
‒ 4 naýryz — 15 aktıv,
‒ 5 naýryz — 10 aktıv,
‒ 6 naýryz — 36 aktıv,
‒ 7 naýryz — 2 aktıv.
Aktıvter ashyq jáne básekege qabiletti sharttarda usynylady, bul qatysýshylarǵa teń qoljetimdilikti qamtamasyz etedi.
Saýda-sattyqqa qalaı qatysýǵa bolady?
Saýda-sattyqqa qatysý úshin E-Qazyna platformasynda tirkelip, kepildik jarnasyn tólep, qyzyqtyrǵan lotqa ótinim berý qajet.
«Qaıtarylǵan aktıvterdi basqarý kompanıasy» JSHS barlyq múddeli tulǵalardy osy biregeı múmkindikti paıdalanyp, zergerlik buıymdardy tıimdi sharttarmen satyp alýǵa shaqyrady.
Qymbat lottar
Aýksıonda «ROBERTO COIN» - «Capri Plus» bilezigi satylady. Bastapqy quny: 3 364 480 teńge. Kepildik jarna: 504 672.
Taǵy bir buıym - «Pasquale Bruni» saqınasy. Bastapqy quny: 3 227 715 teńge.
Kepildik jarnasy: 484 158.
Aýksıonda satylatyn «FOPE» alqasynyń quny: 6 700 000. teńge.
Kepildik jarnasy: 1 005 000.
Aıta keteıik, aýksıonda budan ózge de qymbat áshekeıler satylmaq.
