Qazaqstan kanadalyq World Wide Minerals ýran kompaniiasymen bolǵan aradaǵy daý-damaiǵa qatysty sotta jeńiske jetti. Sottyń jańa sheshimine sáikes, Qazaqstannyń atalǵan kompaniia aldynda endi eshqandai mindettemesi joq, dep habarlaidy Dalanews.kz.
Bul týraly QR Ádilet ministrligi habarlady.
Londonnyń Joǵarǵy sotynda ótken sot protsesinde 2024 jylǵy sheshimniń kúshi joiyldy. Al ol kezde "Qazaqstan kanadalyq kompaniiaǵa 65 million dollar tóleýi kerek" degen sot sheshimi shyǵarylǵan-tuǵyn.
"Osy negizdegi daýlardyń 2%-dan azy sátti aiaqtalady. Eleýli biýdjet qarajatyn únemdeýge, sondai-aq eldegi investitsiialyq ahýaldyń tartymdylyǵyn jáne Qazaqstannyń halyqaralyq arenadaǵy imidjin saqtaýǵa qol jetkizildi", delingen vedomstvo habarlamasynda.
Aita ketsek, bul daý-damai 2013 jyldan beri jalǵasyp keledi. Qazaqstan Úkimeti atalǵan kompaniiamen aradaǵy Stepnogorsk taý-ken-himiia kombinatyn senimgerlik basqarýǵa berý týraly kelisimshartty buzdy (ol kezde Tselinnyi dep ataldy). Kelisimshartty buzýǵa bailanysty talap etilgen bastapqy soma 1,9 milliard dollardy qurady.
