قازاقستان كانادالىق World Wide Minerals ۋران كومپانياسىمەن بولعان اراداعى داۋ-دامايعا قاتىستى سوتتا جەڭىسكە جەتتى. سوتتىڭ جاڭا شەشىمىنە سايكەس، قازاقستاننىڭ اتالعان كومپانيا الدىندا ەندى ەشقانداي مىندەتتەمەسى جوق، دەپ حابارلايدى Dalanews.kz.
بۇل تۋرالى ق ر ادىلەت مينيسترلىگى حابارلادى.
لوندوننىڭ جوعارعى سوتىندا وتكەن سوت پروسەسىندە 2024 جىلعى شەشىمنىڭ كۇشى جويىلدى. ال ول كەزدە "قازاقستان كانادالىق كومپانياعا 65 ميلليون دوللار تولەۋى كەرەك" دەگەن سوت شەشىمى شىعارىلعان-تۇعىن.
"وسى نەگىزدەگى داۋلاردىڭ 2%-دان ازى ءساتتى اياقتالادى. ەلەۋلى بيۋدجەت قاراجاتىن ۇنەمدەۋگە، سونداي-اق ەلدەگى ينۆەستيسيالىق احۋالدىڭ تارتىمدىلىعىن جانە قازاقستاننىڭ حالىقارالىق ارەناداعى ءيميدجىن ساقتاۋعا قول جەتكىزىلدى"، دەلىنگەن ۆەدومستۆو حابارلاماسىندا.
ايتا كەتسەك، بۇل داۋ-داماي 2013 جىلدان بەرى جالعاسىپ كەلەدى. قازاقستان ۇكىمەتى اتالعان كومپانيامەن اراداعى ستەپنوگورسك تاۋ-كەن-حيميا كومبيناتىن سەنىمگەرلىك باسقارۋعا بەرۋ تۋرالى كەلىسىمشارتتى بۇزدى (ول كەزدە سەليننىي دەپ اتالدى). كەلىسىمشارتتى بۇزۋعا بايلانىستى تالاپ ەتىلگەن باستاپقى سوما 1،9 ميلليارد دوللاردى قۇرادى.
