Elordada ruqsat etilmegen qoqys úiindilerin joiý jáne zań buzýshylardy anyqtaý boiynsha júieli jumys júrgizilip jatyr. Quqyq buzýshylardy anyqtaý maqsatynda qalanyń barlyq aýdanynda monitoring júrgizilýde, kináliler aiyppul túrindegi ákimshilik jaýapkershilikke tartylady,- dep habarlaidy Dalanews.kz elorda ákimdiginiń resmi saityna silteme jasap.
2025 jyldyń 10 qańtarynan bastap «Ákimshilik quqyq buzýshylyq týraly» Qazaqstan Respýblikasy Kodeksiniń 344-babyna ózgertýler engizilip, oǵan sáikes ruqsat etilmegen oryndarǵa qoqys tastaǵany úshin jazalar kúsheitildi. Ol osy jyldyń 13 naýryzynan bastap kúshine enedi.
Endi qoqysty stihiialyq poligondarǵa tastaǵany (ruqsat etilmegen oryndarǵa qoqys tastaǵany) úshin jeke tulǵalar men kásiporyndarǵa 100-den 1000 AEK-ke deiin (393 200 teńgeden 3 mln 932 myń 200 teńgege deiin) aiyppul salynady.
Zań buzý bir jyl ishinde qaitalansa (iri kásipkerlik sýbektileri úshin – úsh jyl ishinde), aiyppul eki esege artady: jeke tulǵalarǵa – 200 AEK, laýazymdy tulǵalarǵa, shaǵyn kásipkerlik sýbektilerine jáne kommertsiialyq emes uiymdarǵa – 750 AEK, orta kásipkerlik sýbektilerine – 1000 AEK, iri kásipkerlik sýbektilerine – 2000 AEK.
Máselen, ótken jyly qalanyń alty aýdanynda 404 ruqsat etilmegen qoqys úiindisi anyqtalyp, odan 257 myń tonnadan astam qaldyq shyǵaryldy. Almaty aýdanynda 28 ýchaske joiylyp, 54 myń tonna qoqys shyǵaryldy. Baiqońyr aýdanynda 67 poligon joiylyp, 50 461 tonna qaldyq shyǵaryldy. Esil aýdanynda 56 oryn joiylyp, 35 myń tonnadan astam qoqys poligonǵa jóneltildi. Saraishyq aýdanynda 88 ýchaske joiylyp, 42 myń tonna qoqys shyǵaryldy. Saryarqa aýdanynda 30 ýchaske tazartylyp, 36 myń tonnaǵa jýyq qaldyq shyǵaryldy. Nura aýdanynda 135 orynda qoqys úiindisi joiylyp, odan 40 myń tonna qoqys shyǵaryldy.
Zańsyz úiindilermen kúres tek ony joiý arqyly ǵana emes, sonymen qatar baqylaýdy kúsheitý jáne tártip buzýshylardy jaýapkershilikke tartý arqyly da júzege asyrylady. Qalada mobildi toptar men zań buzýshylyqtardy tirkeitin IKomek júiesi belsendi jumys isteidi.
2024 jylǵy tekseris qorytyndysy boiynsha ruqsat etilmegen oryndarǵa qoqys tastaǵany úshin 409 júk kóliginiń júrgizýshisine 8,6 million teńge aiyppul salyndy.
«Ákimshilik quqyq buzýshylyq týraly» Qazaqstan Respýblikasy Kodeksiniń (budan ári – ÁQBtK) 505-babynda kózdelgen abattandyrýdy buzǵany úshin 22 099 quqyq buzýshyǵa 62 million teńgeden asatyn aiyppul salyndy. Sol siiaqty qoǵamdyq aýmaqtardy lastaǵany úshin 16 098 quqyq buzýshynyń moinyna 315 million teńgeden asa aiyppul ilindi.
Baiqońyr aýdanynda 2025 jyly ruqsat etilmegen 3 poligon anyqtalyp, joiyldy. Saryarqa aýdanynda osy jyldyń alǵashqy eki aiynda 3 ruqsat etilmegen úiindi anyqtalyp, joiylyp, odan 80 tonna qurylys jáne turmystyq qaldyqtar shyǵaryldy. Almaty aýdanynda 1 oryn anyqtalyp, 60 tonnadan astam qurylys qaldyqtary shyǵaryldy. Biyl Esil aýdanynda 8 oryn anyqtalyp, qaldyqtardy shyǵarý jumysy josparlanyp otyr. Nura aýdanynda 3 oryn anyqtalyp, odan 50 tonna qoqys shyǵaryldy. Saraishyq aýdanynda ruqsat etilmegen 2 poligon anyqtalyp, joiylyp, odan 78 tonna qurylys jáne turmystyq qaldyqtar shyǵaryldy.
