Túrkistan oblysynda 2025 jyldyń 1 naýryzdaǵy jaǵdai boiynsha jergilikti biýdjetke 44,6 mlrd. teńge salyqtar men basqa da túsimder túsip, jospar 180,7%-ǵa oryndaldy. Qarjy salasyndaǵy máseleler, oblystyń ózindik tabysy men kiris kózderin ulǵaitý jospary oblys ákimi apparatynyń májilisinde talqylandy,- dep habarlaidy Dalanews.kz
Bul – respýblika deńgeiinde 5-shi nátije. Túrkistan oblysynyń ákimi Nuralhan Kósherov osy baǵytta jumysty jandandyra túsýdi tapsyrdy.
"Memleket basshysy Qasym-Jomart Kemeluly óńirdegi halyqtyń ál-aýqatyn kóterý, turmys sapasyn jaqsartý mindetin júktedi. Qarjy jáne salyq salasyndaǵy jumysty jandandyra túsý qajet. Kiris kózderin ulǵaityńyzdar. Aýdan, qala ákimderi jaýapty basqarma men departamentpen birlese jumys atqarsyn. Biz Túrkistan óńiriniń ózindik tabysyn arttyrýymyz kerek", – dedi Nuralhan Kósherov.
Májiliste Túrkistan oblysynyń qarjy jáne memlekettik aktivter basqarmasy Qairat Elibaevtyń aitýynsha, jospardyń artyǵymen oryndalýy tabys salyǵynan – 8,1 mlrd. teńge, menshik salyǵynan – 1,7 mlrd. teńge, jer qoinaýyn paidalanýshylardyń aýdarymdarynan – 1,7 mlrd. teńge jáne ózge de túsimder esebinen oryndalyp otyr. Salyqtyq túsimder boiynsha biýdjetke 38,5 mlrd. teńge tússe, salyqtyq emes túsimder boiynsha 4,6 mlrd. teńge túsip, jospar artyǵymen oryndaldy.
Májiliste oblysta «Jaily mektep» jobasynyń júzege asyrylýy jáne hattamalyq tapsyrmalardyń oryndalýy boiynsha da esepter tyńdalyp, jaýaptylarǵa tiisti mindetter júkteldi.
