Bir jylda (2024 jylǵy aqpanǵa qaraǵanda 2025 jylǵy aqpanda) jańa turǵyn úıler 4,8%, qoldanystaǵy páterlerdi saýdalaý naryǵynda baǵa 5,4% ósti, dep habarlaıdy Dalanews.kz.
Abattandyrylǵan turǵyn úıdi jalǵa alý tólemi byltyrǵy tıisti aımen salystyrǵanda 12% joǵarylady.
Óńirler bólinisinde jańa turǵyn úıdiń jyldyq mándegi baǵasy Pavlodar – 16,3% jáne Kókshetaý qalasynda15% edáýir qymbattady. Qoldanystaǵy páter naryǵynda baǵa ósiminiń kóshin Atyraý (18,7%), Qonaev (14,4%), al turǵyn úıdi jalǵa alý naryǵynda Taldyqorǵan (31,1%), Astana (29,3%), Semeı (22%) qalalary bastap tur.
Bir aıdyń ishinde (2025 jylǵy aqpan2025 jylǵy qańtarǵa) jańa turǵyn úıdi satý – 1%, al páterlerdi qaıta satý 0,9% ósti.Abattandyrylǵan turǵyn úıdi jalǵa alý tólemi 0,6 qymbattady.
2025 jylǵy aqpan aıynda turǵyn úıdi alyp-satý boıynsha 29 022 mámile tirkelgen, onyń ishinde jeke úıler boıynsha 6 332 jáne kóppáterli úılerdegi páterler boıynsha 22 690 mámile jasaldy. 2025 jyldyń qańtarymen salystyrǵanda (30 917) turǵyn úıdi alyp-satý kórsetkishi 6,1%-ǵa azaıdy. Mámileler sany boıynsha Astana (5 702 – 19,6%) jáne Almaty (5 560 – 19,2%) qalalary, sonymen qatar, Qaraǵandy oblysy (2 343 – 8,1%) kósh bastap tur. Mámileler sany Ulytaý oblysynda eń az – 366 mámile (1,3%).
2025 jyldyń qańtarymen salystyrǵanda aqpanda eń kóp ósim Pavlodar (+17,3%), Soltústik Qazaqstan (+11,9%) jáne Almaty (+9,3%) oblystarynda tirkeldi. Al bir aıdaǵy eń kóp tómendeý Qyzylorda (-24,8%), Atyraý (-23,9%) oblystarynda jáne Astana (-12,9%) qalasynda oryn aldy.
2025 jyldyń qańtarymen salystyrǵanda, kóppáterli úılerdegi turǵyn úı mámileler sany 8,4%-ǵa (2 074 mámilege) azaıdy. 2025 jyldyń aqpan aıynda páterler boıynsha barlyǵy 22 690 mámile jasaldy, bul mámilelerdiń jalpy sanynyń 78,2%-y. Kóppáterli úılerdegi turǵyn úı saýdasynyń negizgi úlesi Astana (24,7%), Almaty (22,5%) qalalaryna jáne Qaraǵandy oblysyna (8,8%) tıesili. Bólmeler sany boıynsha 2 bólmeli páterler satylymy basym boldy, 2025 jyldyń aqpan aıynda olar boıynsha 8 647 mámile resimdelgen.
2025 jylǵy qańtarmen salystyrǵanda aqpanda jeke turǵyn úıler boıynsha mámileler sany 2,9%-ǵa (179 mámilege) ósti. Aqpanda barlyǵy 6 332 mámile tirkelgen. Jeke turǵyn úıler boıynsha mámileler sanynyń eń kóp ósimi SQO (+36,7%), Almaty qalasynda (+27,1%) jáne Pavlodar oblysynda (+21,8%) baıqaldy. Mámileler sanynyń eń úlken tómendeýi Aqtóbe (-27,4%), Qyzylorda (-22%) jáne Atyraý (-11,7%) oblystarynda tirkeldi.
2025 jylǵy aqpanda turǵyn úıdi satyp alý-satý mámileleri byltyrǵy aqpanmen salystyrǵanda 5%-ǵa azaıǵan, ol kezde 30 534 mámile resimdelgen bolatyn. Mámileler sanynyń eń joǵarǵy ósimi Ulytaý oblysynda (51,2%) baıqaldy, eń úlken tómendeý – Qyzylorda oblysynda (-22,9%). 2025 jyldyń qańtar-aqpan aılaryndaǵy mámileler sanyn 2024 jylǵy qańtar-aqpan aılaryndaǵy mámileler sanymen salystyrǵandaǵy tómendeý – 3,7%.
