Qazaqstan ádilet ministrliginiń resmi ókili Talǵat Ýáli elde byltyr 139 adam aliment tólemegeni úshin qylmystyq jaýapkershilikke tartylǵanyn málim etti, dep habarlaidy Dalanews.kz Ulysmedia.kz-ke siltep.
Talǵat Ýálidiń sózinshe, óndiriste 283 myń adam boryshker bolsa, sonyń ishinde er adamdar sany 273 myń teńge, áielder sany 11 myńnan asady. 16352 is boiynsha bereshek soma 11 mlrd teńgeden asyp ketken.
Biyl iri kólemdegi óndirip alýlar jaily mysal keltire keteiin. Astanada aliment tólemegeni úshin Mercedes-Benz S-400 markaly avtokólik markaly kólik 23 mln teńgege satylyp, qaryz alýshyǵa qarajat joldandy. Jambyl oblysynda boryshker qaryzyn óteý úshin 11 mln teńge turatyn jyljymaityn múlikti óndirýshige berdi. Almatyda 9 mln teńgeden astam qaryzdy óteý úshin Hiýndai kóligi óndirip alýshyǵa tabystaldy, – dedi Talǵat Ýáli.
Onyń aitýynsha, aliment tólemegen 6 myńnan astam adam byltyr jumysqa ornalastyrylǵan. Biyl osy mejeni tómendetpeý kózdelip otyr. 2024 jyly 4,5 myńnan astam boryshker ákimshilik jaýapkershilikke tartylsa, qylmystyq jaýapkershilikke (QK 139-baby) 139 adam tartylǵan. Sonymen qatar, boryshkerlerdiń bank shottaryna, Qazaqstan aýmaǵynan shyǵýǵa tyiym salý siiaqty sharalar qabyldanǵan.
Dana Áteshova burynǵy kúieýi Marat Áitenov atalǵan kólikti jasyryp júrgenin, ol jeke sot oryndaýshylarynyń óńirlik palatasymen aýyz jalasqandyqtan, odan kólikti alyp qoiý týraly buiryqty jetkizbei júrgenin jelide aitqan edi. Osydan keiin jeke sot oryndaýshynyń biri Áitenovtiń aliment boiynsha qaryzyna bailanysty qymbat kóligin tárkilegen. Mercedes-Benz S sanatty kóliktiń videosy sol tusta jelige taraǵan edi. Sol kezde Áitenovtiń balalarynyń aldyndaǵy qaryzy 23 mln teńgeden asqany jazylǵan.
