قازاقستان ادىلەت مينيسترلىگىنىڭ رەسمي وكىلى تالعات ءۋالي ەلدە بىلتىر 139 ادام اليمەنت تولەمەگەنى ءۇشىن قىلمىستىق جاۋاپكەرشىلىككە تارتىلعانىن ءمالىم ەتتى، دەپ حابارلايدى Dalanews.kz Ulysmedia.kz-كە سىلتەپ. 

تالعات ءۋاليدىڭ سوزىنشە، وندىرىستە 283 مىڭ ادام بورىشكەر بولسا، سونىڭ ىشىندە ەر ادامدار سانى 273 مىڭ تەڭگە، ايەلدەر سانى 11 مىڭنان اسادى. 16352 ءىس بويىنشا بەرەشەك سوما 11 ملرد تەڭگەدەن اسىپ كەتكەن.

بيىل ءىرى كولەمدەگى ءوندىرىپ الۋلار جايلى مىسال كەلتىرە كەتەيىن. استانادا اليمەنت تولەمەگەنى ءۇشىن Mercedes-Benz S-400 ماركالى اۆتوكولىك ماركالى كولىك 23 ملن تەڭگەگە ساتىلىپ، قارىز الۋشىعا قاراجات جولداندى. جامبىل وبلىسىندا بورىشكەر قارىزىن وتەۋ ءۇشىن 11 ملن تەڭگە تۇراتىن جىلجىمايتىن مۇلىكتى وندىرۋشىگە بەردى. الماتىدا 9 ملن تەڭگەدەن استام قارىزدى وتەۋ ءۇشىن حيۋنداي كولىگى ءوندىرىپ الۋشىعا تابىستالدى، – دەدى تالعات ءۋالي.

ونىڭ ايتۋىنشا، اليمەنت تولەمەگەن 6 مىڭنان استام ادام بىلتىر جۇمىسقا ورنالاستىرىلعان. بيىل وسى مەجەنى تومەندەتپەۋ كوزدەلىپ وتىر. 2024 جىلى 4،5 مىڭنان استام بورىشكەر اكىمشىلىك جاۋاپكەرشىلىككە تارتىلسا، قىلمىستىق جاۋاپكەرشىلىككە (قك 139-بابى) 139 ادام تارتىلعان. سونىمەن قاتار، بورىشكەرلەردىڭ بانك شوتتارىنا، قازاقستان اۋماعىنان شىعۋعا تىيىم سالۋ سياقتى شارالار قابىلدانعان.

دانا اتەشوۆا بۇرىنعى كۇيەۋى مارات ايتەنوۆ اتالعان كولىكتى جاسىرىپ جۇرگەنىن، ول جەكە سوت ورىنداۋشىلارىنىڭ وڭىرلىك پالاتاسىمەن اۋىز جالاسقاندىقتان، ودان كولىكتى الىپ قويۋ تۋرالى بۇيرىقتى جەتكىزبەي جۇرگەنىن جەلىدە ايتقان ەدى. وسىدان كەيىن جەكە سوت ورىنداۋشىنىڭ ءبىرى ايتەنوۆتىڭ اليمەنت بويىنشا قارىزىنا بايلانىستى قىمبات كولىگىن تاركىلەگەن.  Mercedes-Benz S ساناتتى كولىكتىڭ ۆيدەوسى سول تۇستا جەلىگە تاراعان ەدى. سول كەزدە ايتەنوۆتىڭ بالالارىنىڭ الدىنداعى قارىزى 23 ملن تەڭگەدەن اسقانى جازىلعان.