Qazaqstan Respýblikasy Ǵylym jáne joǵary bilim ministri Saiasat Nurbek Nazarbaev Ýniversiteti tóńiregindegi daýlardy Shigeo Katsýdyń uiymdastyrǵan aqparattyq shabýyly dep baǵalady, dep habarlaidy Dalanews.kz.
“Nazarbaev Ýniversitetine baǵyttalǵan belgili bir aqparattyq shabýyl júrip jatyr dep aitar edim. Bizdiń boljamymyzsha, ony uiymdastyrǵandardyń qatarynda Katsý myrzanyń toby da bar. Onyń ýniversitette áli de senimdi seriktesteri kóp – stýdentter arasynda da, qyzmetkerler arasynda da. Sol sebepti soǵys kezinde barlyq amal qoldanylatyny belgili. Jariialanymdardan bólek, ishki arandatýshylyqtar da oryn alýda. Bul oqiǵalar Katsý myrzasynyń belsendi áreketteri kúsheigennen keiin jiilei tústi. Bul – aqparattyq soǵystyń jáne aqparattyq qysymnyń klassikalyq kórinisi”, – dedi Saiasat Nurbek.
Ol úkimet pen ministrliktiń Nazarbaev Ýniversitetiniń ishki isine tikelei aralasa almaitynyn eske saldy.
“Nazarbaev Ýniversitetiniń sotqa talap-aryz berýi – bul oqý ornynyń óz sheshimi. Ýniversitet – avtonomdy uiym, biz bul protseske aralaspaimyz. Ministrliktiń Katsý myrzaǵa qarsy sotqa shaǵym túsirý jospary joq”, – dep qosty ministr.
Sondai-aq ol Katsý myrzanyń jariialanymdarynda keltirilgen derekter shyndyqqa janaspaitynyn erekshe atap ótti.
