2025 jyly 7 naýryzda Ulttyq Bank bazalyq mólsherleme deńgeiin 15,25 paiyzdan 16,50 paiyzǵa deiin bir-aq ósirdi. Mundaidy bir de bir qarjylyq saraptama ortalyǵy óz boljamdarynda aitpady. Ári ketkende 100 bazistik pýnkt týraly sóz bolǵan, al kóbisi, tipti bazalyq mólsherlemeni 50 bazistik pýnktke kóterý oryndy dep tapqan. Ulttyq Bank mundai ósimge ne túrtki ekenin jariialap, sebepter tizimin de ataǵan. Alaida keibir sarapshylardyń oǵan kóńili tolmai otyr, dep habarlaidy Dalanews.kz.
Halyk Finance aǵa sarapshysy Mádina Qabjalalova bazalyq mólsherleme boiynsha Ulttyq Banktiń 125 bazistik pýnktke sekiris jasaityndai naqty, tolyqqandy faktorlardy baiqai almai otyrǵandaryn aitady. Bul týraly maman 24kz portalynyń "Dnevnaia smena" baǵdarlamasyna bergen suqbatynda aitty.
"Bazalyq mólsherleme deńgeiin kóterýde kútiletin basty nárse – tutynýshylyq suranys kólemin shekteý. Iaǵni, adamdardyń az aqsha jumsaýyn yntalandyrý arqyly baǵa ósimin aýyzdyqtaý kózdeledi. Biz aqpan aiyndaǵy infliatsiia ósimine súiene otyryp, "Ulttyq bank bazalyq mólsherlemeni ári ketkende 25-50 bazistik pýnktke kóteredi" dep boljaǵan bolatynbyz. Biraq, ózderińiz kórip otyrǵandaryńyzdai, Ulttyq bank 125 bazistik pýnktke sekiris jasady. Ortalyq bank taratqan túsiniktemelerdi qarai otyryp, biz odan osynsha deńgeige sekiris jasaityndai naqty, tolyqqandy faktordy baiqai almadyq. Birinshiden, fiskaldy saiasattyń qysymy kúsheigeni alǵa tartylady. Biz munymen kelisemiz. Bizdiń elimiz tsikldi kezeńderdi qamtityn fiskaldy saiasatqa súienedi. Iaǵni, mundaida memlekettik shyǵyndar baǵa ósimine, infliatsiiaǵa qatty áser etedi. Árine, bul rette shekteý sharalary kerek, kontrtsikldi saiasat júrgizý qajet. Ulttyq banktiń bul máseleni qaýzap otyrýy oryndy, alaida bul baǵytta biz qandai da bir ózgeristerdi baiqap otyrǵanymyz joq. Memlekettik shyǵyn joǵary qarqynmen jyldan jylǵa óskenniń ústine ósip jatyr. Ekinshiden, janar-jaǵarmai baǵalary ósimi týraly aityldy. Bul jariia júrgizilip otyrǵan sharanyń biri. Jyl boiynda aiyna 4-5 paiyzdan baǵada ósim bolatyny belgili. Úshinshiden, kommýnaldyq tólemder. Rasynda, tarifter toqtaýsyz ósip jatyr, biraq bazalyq mólsherlemege onyń esh qatysy joq. Tórtinshiden, Reseidegi qymbatshylyq týraly aitylypty. Onyń bizge ne qatysy bar deimin? Aradaǵy shekteýli taýar ainalymy baǵalarǵa eselep áser etedi degenge negiz joq qoi... Besinshiden, tutynýshylyq nesie. Bul da keremet jańalyq emes. Ol jyldan jylǵa óse beredi. Infliatsiia aldy kútýler týraly da sóz boldy... Bir sózben aitqanda, bul arada bazalyq mólsherlemeni 125 bazistik pýnktke kóteretindei biz naqty ári tolyqqandy faktordy kórip otyrǵanymyz joq", - dedi ol óz suqbatynda.
Bul saýalǵa QR Ulttyq Banktiń Aqsha-nesie saiasaty jónindegi komitettiń múshesi Rústem Orazalin jaýap berýge tyrysyp kórdi.
Onyń aitýynsha, bulaisha bazalyq mólsherlemeni kóterý aldaǵy táýekelderdi eskere otyryp, aldyn ala jasalǵan qadam.
"Bul arada Ulttyq bank infliatsiiany rettep, ony basqarýdy maqsat etedi. Al infliatsiia jyldyq sipatta targetteledi. Iá, jyldyq infliatsiia kóptegen málimetterdi bere alady. Al ailyq infliatsiia bizdiń targettimiz boiynsha qalai jyljidy, ol jaǵy beimálim ǵoi. Mańyzdysy osy arasy. Iaǵni, bazalyq mólsherlemeni biz aldaǵy boljamdardy eskere otyryp, kóterdik", - deidi ol.
Aita ketsek, 7 naýryzda Ulttyq Bank bazalyq mólsherlemeni birden 125 bazistik pýnktke bir-aq kóterdi. Mundaidy bir de bir qarjylyq sarapatama ortalyǵy boljai almady. Boljamdarda 100 bazistik pýnkt týraly sóz bolǵan, al kóbisi bazalyq mólsherlemeni 50 bazistik pýnktke kóterý oryndy dep tapqan. Sondai-aq osy taqyrypqa qatysty saitymyzda "Qarjyger-maman aldaǵy eki jyl halyq pen bizneske qiyn tietinin boljady" degen material jariialandy.
