«EL ARNA» telearnasy jabylyp, «Habar» telearnasymen biriktiriledi, dep habarlaidy Dalanews.kz.
Bul týraly mádeniet jáne aqparat ministri Aida Balaeva Facebook-paraqshasynda habarlady.
Otandyq mediakeńistiktegi qarqyndy ózgeristerdi eskere otyryp jáne memlekettik resýrstardy ońtailandyrý úshin «EL ARNA» jáne «Habar» telearnalaryn biriktirý týraly strategiialyq sheshim qabyldandy. Bul qadam, eń aldymen, otandyq telekompaniialardyń jumys tiimdiligin arttyrýǵa jáne qazaqstandyq kontent aýditoriiasyn keńeitýge baǵyttalǵan.
«EL ARNA» jáne «Habar» telearnalaryn biriktirý 2025 jyldyń 1 mamyryna deiin aiaqtalady. «EL ARNA»-nyń barlyq qundy kontenti «Habar» arnasynyń efirine ótedi. Bul úzdik jobalardyń saqtalýyna, olardy keń aýditoriiaǵa qoljetimdi etýge jáne odan ári damytýǵa múmkindik beredi.
«EL ARNA» telearnasy otandyq kórkem jáne derekti filmder, serialdar, sondai-aq mádeni-aǵartýshylyq baǵdarlamalar kórsetiletin platforma retinde mańyzdy missiia atqardy. Biz bul arnanyń ulttyq kinematografiia men televiziianyń damýyna qosqan úlesin joǵary baǵalaimyz.Mádeniet jáne aqparat ministrligi «EL ARNA» telearnasynyń ujymyna kópjyldyq eńbekteri, kásibilik pen otandyq media keńistikti damytýǵa qosqan úlesteri úshin shynaiy alǵys bildiredi. Qaita uiymdastyrý protsesi barysynda barlyq qyzmetkerler «Habar» agenttigine jumysqa ornalastyrylady. Jalaqy deńgeii saqtalyp, olardyń tájiribesi men bilimi jańa jobalarda suranysqa ie bolady, deidi ministr.
«EL ARNA» telearnasynyń baǵdarlamalaryn óndirý jáne taratýǵa bólingen qarjy «24KZ» jáne «Habar» siiaqty strategiialyq mańyzdy telearnalardyń kontentin kúsheitýge jáne tehnikalyq bazasyn ýaqtyly jańartýǵa qaita bólinedi.
«EL ARNA» telearnasy 2000 jyldyń 22 naýryzynda alǵashqy ulttyq memlekettik tildegi arna retinde «Habar-2» ataýymen quryldy.
2002 jyldyń naýryzynda ataýy «EL ARNA» bolyp ózgertilip, eki tilde habar taratýǵa kóshti.
2014 jyldyń naýryzynda arna óz jumysyn toqtatyp, onyń jiiliginde «24KZ» jańalyqtar telearnasy iske qosyldy.
2017 jyldyń 27 naýryzynda «EL ARNA» jańa formatta otandyq kinoarna retinde qaita iske qosylyp, 2024 jyldan bastap «EL ARNA» jastarǵa arnalǵan oiyn-saýyq arnasy retinde qaita qurylymdaldy.
