Astanada tolassyz jaýǵan qar men kóktaiǵaqtyń aldyn alý jumystary júrip jatyr,- dep habarlaidy Dalanews.kz
Naýryzdyń 11-i men 12-si aralyǵyndaǵy túngi aýysymda qar tazalaý jumysyna 444 jol qyzmetkeri men 1808 birlik arnaiy tehnika jumyldyryldy.
11 naýryzda kommýnaldyq qyzmetter 4199 aýyr júk kóligimen qaladan 56 727 tekshe metr qar shyǵardy.
Qys mezgiligiń basynan beri 584 773 aýyr júk kóligimen qaladan 7,3 million tekshe metrden astam qar shyǵaryldy.
Eń aldymen, erejege sáikes, joldarda keptelis bolmas úshin qozǵalysy óte qarqyndy oryndar tazartylady. Sondai-aq, qarqyndylyǵy ortasha ýchaskeler – alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t.b. tazartylady.
Ortalyq kóshelerdi, jolaýshylar kóligi marshrýttary júretin oryndardy, aialdamalar men trotýarlarda tazalaý da basymdyqqa ie.
Qalada birneshe jabdyqtalǵan qar poligony bar. Olar samosval tehnikasynyń nómirlik belgilerin oqý júiesimen jabdyqtalǵan, munda beinebaqylaý kameralary ornatylyp, jaryqtandyrý qosylǵan.
Elorda ákimdigi turǵyndar men qala qonaqtaryn joldarda abai bolýǵa, qaýipsizdik erejelerin saqtaýǵa, daýyldy eskertý bolǵan jaǵdaida alys saparlarǵa shyqpaýǵa shaqyrdy.
Tótenshe jaǵdai týyndaǵan kezde «112» nómirine habarlasyńyz.
