AQSh pen Resei arasyndaǵy kelissóz 18 aqpanda Saýd Arabiiasynyń astanasy Er-Riiadta ótedi. Bul týraly "Kommersant" basylymy málimdedi, dep habarlaidy Dalanews.kz.
Atalǵan aqparatty Axios basylymy da rastady.
Associated Press agenttiginiń málimetinshe, AQSh tarapynan kelissózderge Memlekettik hatshy Marko Rýbio, Prezidenttiń ulttyq qaýipsizdik jónindegi keńesshisi Maik Ýoltts jáne arnaiy ókil Stiv Ýitkoff qatysady. Ýitkoff Saýd Arabiiasyna Ýolttspen birge baratynyn rastady.
Aita keteiik, 12 aqpanda AQSh prezidenti Donald Tramp Resei prezidenti Vladimir Pýtinmen telefon arqyly sóilesti. Kreml kelissózdiń bolǵany týraly derekti rastady jáne Pýtin Trampty Máskeýge shaqyrǵanyn habarlady.
Resei Federatsiiasynyń basshysymen sóileskennen keiin Tramp Ýkraina prezidenti Vladimir Zelenskiige qońyraý shaldy. Zelenskiidiń aitýynsha, Tramp Pýtinmen arada bolǵan áńgimemen bólisken. Zelenskiimen sóileskennen keiin Tramp Ýkraina basshysy Pýtin siiaqty beibitshilik ornatqysy keletinin aitty.
Buǵan deiin Pýtin men Tramptyń kezdesýi Saýd Arabiiasynda bolýy múmkin ekeni týraly habarlanǵan edi. Sonymen birge arab eli kezdesýdi uiymdastyrýǵa daiyn ekenin bildirdi.
Al Vladimir Zelenskii Ýkraina óziniń qatysýynsyz jasalǵan beibit kelisimderge kelispeitinin aitty.
"Ýkraina óziniń qatysýynsyz tasada jasalǵan mámilelerge eshqashan kelispeidi. Dál osyndai ereje búkil Eýropa úshin qoldanylýy kerek. Ýkrainasyz Ýkraina týraly sheshim joq. Eýropasyz Eýropa týraly sheshim joq. Eýropa týraly sheshim qabyldanǵan kezde Eýropaǵa ústel basynda oryn bolýy kerek", - dedi ol.
Onyń aitýynsha, Ýkraina men Eýropasyz mámile jasalǵan jaǵdaida "bári utylady". Sondai-aq Zelenskii Pýtinniń AQSh-pen Ýkraina men Eýropanyń qatysýynsyz kelissózder júrgizýge tyrysyp jatqanyn aitty.
"Sodan keiin ne bolady deisizder me? Pýtin AQSh prezidentin osy jyldyń 9 mamyrynda Qyzyl alańda turatyndai etýge tyrysady. Qurmetti kóshbasshy retinde emes, onyń óz qoiylymyndaǵy rekviziti ispetti. Bizge bul qajet emes. Bizge naǵyz jetistik kerek. Shynaiy beibitshilik kerek", - dedi Zelenskii.
Sonymen qatar, Zelenskii Ýkraina odaqtastarymen birge Vladimir Pýtindi toqtatý úshin qaýipsizdik kepildigin daiyndaýy kerek ekenin atap ótti.
"Kelisim bizsiz bola almaidy. Eger bizde búgin sondai jalpy jospar bolmasa, onda meniń oiymsha, AQSh-ta da ondai jospar joq. Al eger olardyń qoldarynda birdeńe bolsa, ol bizge qatysty emes ekeni aian, biraq biz mundaidy qalamaimyz", - dedi Zelenskii.
