اقش پەن رەسەي اراسىنداعى كەلٸسسٶز 18 اقپاندا ساۋد ارابيياسىنىڭ استاناسى ەر-رييادتا ٶتەدٸ. بۇل تۋرالى "كوممەرسانت" باسىلىمى مەلٸمدەدٸ, دەپ حابارلايدى Dalanews.kz.
اتالعان اقپاراتتى Axios باسىلىمى دا راستادى.
Associated Press اگەنتتٸگٸنٸڭ مەلٸمەتٸنشە, اقش تاراپىنان كەلٸسسٶزدەرگە مەملەكەتتٸك حاتشى ماركو رۋبيو, پرەزيدەنتتٸڭ ۇلتتىق قاۋٸپسٸزدٸك جٶنٸندەگٸ كەڭەسشٸسٸ مايك ۋولتتس جەنە ارنايى ٶكٸل ستيۆ ۋيتكوفف قاتىسادى. ۋيتكوفف ساۋد ارابيياسىنا ۋولتتسپەن بٸرگە باراتىنىن راستادى.
ايتا كەتەيٸك, 12 اقپاندا اقش پرەزيدەنتٸ دونالد ترامپ رەسەي پرەزيدەنتٸ ۆلاديمير پۋتينمەن تەلەفون ارقىلى سٶيلەستٸ. كرەمل كەلٸسسٶزدٸڭ بولعانى تۋرالى دەرەكتٸ راستادى جەنە پۋتين ترامپتى مەسكەۋگە شاقىرعانىن حابارلادى.
رەسەي فەدەراتسيياسىنىڭ باسشىسىمەن سٶيلەسكەننەن كەيٸن ترامپ ۋكراينا پرەزيدەنتٸ ۆلاديمير زەلەنسكييگە قوڭىراۋ شالدى. زەلەنسكييدٸڭ ايتۋىنشا, ترامپ پۋتينمەن ارادا بولعان ەڭگٸمەمەن بٶلٸسكەن. زەلەنسكييمەن سٶيلەسكەننەن كەيٸن ترامپ ۋكراينا باسشىسى پۋتين سيياقتى بەيبٸتشٸلٸك ورناتقىسى كەلەتٸنٸن ايتتى.
بۇعان دەيٸن پۋتين مەن ترامپتىڭ كەزدەسۋٸ ساۋد ارابيياسىندا بولۋى مٷمكٸن ەكەنٸ تۋرالى حابارلانعان ەدٸ. سونىمەن بٸرگە اراب ەلٸ كەزدەسۋدٸ ۇيىمداستىرۋعا دايىن ەكەنٸن بٸلدٸردٸ.
ال ۆلاديمير زەلەنسكيي ۋكراينا ٶزٸنٸڭ قاتىسۋىنسىز جاسالعان بەيبٸت كەلٸسٸمدەرگە كەلٸسپەيتٸنٸن ايتتى.
"ۋكراينا ٶزٸنٸڭ قاتىسۋىنسىز تاسادا جاسالعان مەمٸلەلەرگە ەشقاشان كەلٸسپەيدٸ. دەل وسىنداي ەرەجە بٷكٸل ەۋروپا ٷشٸن قولدانىلۋى كەرەك. ۋكرايناسىز ۋكراينا تۋرالى شەشٸم جوق. ەۋروپاسىز ەۋروپا تۋرالى شەشٸم جوق. ەۋروپا تۋرالى شەشٸم قابىلدانعان كەزدە ەۋروپاعا ٷستەل باسىندا ورىن بولۋى كەرەك", - دەدٸ ول.
ونىڭ ايتۋىنشا, ۋكراينا مەن ەۋروپاسىز مەمٸلە جاسالعان جاعدايدا "بەرٸ ۇتىلادى". سونداي-اق زەلەنسكيي پۋتيننٸڭ اقش-پەن ۋكراينا مەن ەۋروپانىڭ قاتىسۋىنسىز كەلٸسسٶزدەر جٷرگٸزۋگە تىرىسىپ جاتقانىن ايتتى.
"سودان كەيٸن نە بولادى دەيسٸزدەر مە? پۋتين اقش پرەزيدەنتٸن وسى جىلدىڭ 9 مامىرىندا قىزىل الاڭدا تۇراتىنداي ەتۋگە تىرىسادى. قۇرمەتتٸ كٶشباسشى رەتٸندە ەمەس, ونىڭ ٶز قويىلىمىنداعى رەكۆيزيتٸ ٸسپەتتٸ. بٸزگە بۇل قاجەت ەمەس. بٸزگە ناعىز جەتٸستٸك كەرەك. شىنايى بەيبٸتشٸلٸك كەرەك", - دەدٸ زەلەنسكيي.
سونىمەن قاتار, زەلەنسكيي ۋكراينا وداقتاستارىمەن بٸرگە ۆلاديمير پۋتيندٸ توقتاتۋ ٷشٸن قاۋٸپسٸزدٸك كەپٸلدٸگٸن دايىنداۋى كەرەك ەكەنٸن اتاپ ٶتتٸ.
"كەلٸسٸم بٸزسٸز بولا المايدى. ەگەر بٸزدە بٷگٸن سونداي جالپى جوسپار بولماسا, وندا مەنٸڭ ويىمشا, اقش-تا دا ونداي جوسپار جوق. ال ەگەر ولاردىڭ قولدارىندا بٸردەڭە بولسا, ول بٸزگە قاتىستى ەمەس ەكەنٸ ايان, بٸراق بٸز مۇندايدى قالامايمىز", - دەدٸ زەلەنسكيي.
