دٷنيەجٷزٸلٸك بانك ەۋروپا مەن ورتالىق ازيياداعى كٶلٸك ينفراقۇرىلىمىن دامىتۋعا قاجەتتٸ ينۆەستيتسييالار تۋرالى جاڭا بايانداما جارييالادى, دەپ حابارلايدى dalanews.kz.
قۇجاتتا قازاقستان كٸرەتٸن ترانسكاسپيي حالىقارالىق كٶلٸك دەلٸزٸن دامىتۋ ٶڭٸر ەكونوميكاسىنا ايتارلىقتاي سەرپٸن بەرۋٸ مٷمكٸن ەكەنٸ ايتىلعان.
بايانداماعا سەيكەس, تەمٸرجول ينفراقۇرىلىمىنا, پورتتار مەن لوگيستيكاعا ستراتەگييالىق ينۆەستيتسييا سالۋ ارقىلى ورتا دەلٸزدەگٸ جٷك تاسىمالى كٶلەمٸن ٷش ەسەدەن استام ارتتىرۋعا بولادى. سونىمەن قاتار جەتكٸزۋ ۋاقىتىن ەكٸ ەسەگە قىسقارتۋ مٷمكٸندٸگٸ قاراستىرىلعان.
دٷنيەجٷزٸلٸك بانكتٸڭ باعالاۋىنشا, تيٸستٸ شارالار جٷزەگە اسقان جاعدايدا 2040 جىلعا قاراي دەلٸز بويىنداعى ەلدەردٸڭ جالپى ٸشكٸ ٶنٸمٸ 3,3%-عا ارتىپ, قوسىمشا 2 ملن جۇمىس ورنى قۇرىلۋى مٷمكٸن.
«ترانسكاسپيي كٶلٸك دەلٸزٸ ەكونوميكالىق ٶسۋدٸڭ, ەكونوميكانى ەرتاراپتاندىرۋدىڭ, كەدەيلٸكتٸ ازايتۋدىڭ جەنە دەلٸز بويىنداعى ەلدەرگە جەكە ينۆەستيتسييا تارتۋدىڭ قۋاتتى قوزعاۋشى كٷشٸنە اينالا الادى. ول جٷكتەر مەن جولاۋشىلاردى تاسىمالداۋدى عانا قامتاماسىز ەتەتٸن كٶلٸك دەلٸزٸنەن ٸسكەرلٸك بەلسەندٸلٸكتٸ, جۇمىس ورىندارىن قۇرۋدى جەنە جەرگٸلٸكتٸ ٶنەركەسٸپتٸڭ ٶسۋٸن ىنتالاندىراتىن ٶڭٸرلٸك پلاتفورماعا اينالۋ ەلەۋەتٸنە يە», – دەدٸ دٷنيەجٷزٸلٸك بانكتٸڭ ەۋروپا جەنە ورتالىق ازييا بويىنشا ۆيتسە-پرەزيدەنتٸ انتونەللا باسساني.
ونىڭ ايتۋىنشا, بۇل ٷشٸن فيزيكالىق ينفراقۇرىلىممەن قاتار كٶلٸك قىزمەتتەرٸنە ينۆەستيتسييا سالۋ, ساۋدا رەسٸمدەرٸن جەڭٸلدەتۋ, تاسىمالداۋ وپەراتسييالارىن جەتٸلدٸرۋ جەنە شەكاراارالىق ىنتىماقتاستىقتى كٷشەيتۋ قاجەت.
ورتا دەلٸز شىعىس ازييانى ورتالىق ازييا, وڭتٷستٸك كاۆكاز, تٷركييا جەنە ەۋروپامەن بايلانىستىرادى. باعىتتى دامىتۋ توعىز ەلگە – ەزەربايجان, ارمەنييا, گرۋزييا, قازاقستان, قىرعىز رەسپۋبليكاسى, تەجٸكستان, تٷركييا, تٷرٸكمەنستان جەنە ٶزبەكستانعا قاتىستى.
دٷنيەجٷزٸلٸك بانكتٸڭ مەلٸمەتٸنشە, بۇل ەلدەردە شامامەن 200 ملن ادام تۇرادى. دەلٸزدٸڭ ٶتكٸزۋ قابٸلەتٸن ارتتىرۋ نارىقتارعا قولجەتٸمدٸلٸكتٸ جاقسارتىپ, جاڭا ەكونوميكالىق مٷمكٸندٸكتەر قالىپتاستىرۋى مٷمكٸن.
باياندامادا جاھاندىق جەتكٸزۋ تٸزبەكتەرٸندەگٸ ٷزٸلٸستەر مەن كليماتتىق ٶزگەرٸستەرگە بايلانىستى تەۋەكەلدەر جاعدايىندا جىلدام ەرٸ سەنٸمدٸ ساۋدا باعىتتارىنىڭ ماڭىزى ارتىپ وتىرعانى اتاپ ٶتٸلگەن.
دٷنيەجٷزٸلٸك بانكتٸڭ باعالاۋىنشا, 2040 جىلعا دەيٸن ورتا دەلٸزدٸڭ فيزيكالىق ينفراقۇرىلىمىن دامىتۋعا 25 ملرد دوللاردان استام ينۆەستيتسييا قاجەت. قاراجاتتىڭ نەگٸزگٸ بٶلٸگٸ تەمٸرجول جەلٸلەرٸنە, تەڭٸز پورتتارىنا جەنە اۆتوموبيل جولدارىنا اپاراتىن كٸرمە جولدارعا باعىتتالۋى تيٸس.
