قازاقستان ەيەلدەر قۇراماسى سامارقاندتا ٶتكەن 46-شى دٷنيەجٷزٸلٸك شاحمات وليمپياداسىندا كٷمٸس مەدال جەڭٸپ الدى. 16–27 قىركٷيەك ارالىعىندا ٶزبەكستاندا ۇيىمداستىرىلعان دوداعا ەيەلدەر اراسىندا 189 قۇراما قاتىسىپ, بۇل كٶرسەتكٸش وليمپيادا تاريحىنداعى رەكوردتاردىڭ بٸرٸنە اينالدى. قازاقستان قۇراماسى 11 تۋردىڭ قورىتىندىسى بويىنشا 18 ۇپاي جيناپ, ەكٸنشٸ ورىنعا جايعاستى, دەپ حابارلايدى dalanews.kz.
شەشۋشٸ, 11-تۋردا قازاقستاندىق شاحماتشىلار پولشا قۇراماسىمەن كەزدەستٸ. ماتچ 2:2 ەسەبٸمەن اياقتالدى. ەلناز قالياحمەت ٶز پارتيياسىندا جەڭٸسكە جەتسە, بيبٸسارا اساۋباەۆا مەن مەرۋەرت قاماليدەنوۆا تەڭ تٷستٸ. الۋا نۇرمان بۇل كەزدەسۋدە قارسىلاسىنا ەسە جٸبەردٸ. سوعان قاراماستان, بۇعان دەيٸن جيناعان ۇپايلار قازاقستانعا كٷمٸس مەدالدى ساقتاپ قالۋعا مٷمكٸندٸك بەردٸ.
قازاقستان قۇراماسىنىڭ باستى ەرەكشەلٸگٸ – تۋرنيردٸ بٸردە-بٸر كوماندالىق جەڭٸلٸسسٸز اياقتاۋى. قىزدارىمىز جەتٸ كەزدەسۋدە جەڭٸسكە جەتٸپ, تٶرت ماتچتا تەڭ تٷسكەن. بۇل قازاقستان ەيەلدەر قۇراماسىنىڭ وليمپيادا تاريحىنداعى العاشقى جەڭٸلٸسسٸز كٶرسەتكٸشٸ.
قۇراما ساپىندا بيبٸسارا اساۋباەۆا, الۋا نۇرمان, مەرۋەرت قاماليدەنوۆا, ەلناز قالياحمەت جەنە زارينا نۇرعاليەۆا ٶنەر كٶرسەتتٸ. كوماندانىڭ كاپيتانى – پاۆەل كوتسۋر.
قۇراماداعى ەڭ تەجٸريبەلٸ شاحماتشى – بيبٸسارا اساۋباەۆا. 2004 جىلى تۋعان سپورتشىنىڭ كلاسسيكالىق شاحماتتاعى رەيتينگٸ وليمپيادا قارساڭىندا 2538 بولدى. ول 2025 جىلى حالىقارالىق گروسسمەيستەر اتاعىن يەلەندٸ. اساۋباەۆا شاحماتتان ەلەم چەمپيوناتتارىنىڭ بٸرنەشە دٷركٸن جٷلدەگەرٸ اتانىپ, 2021 جەنە 2022 جىلدارى ەيەلدەر اراسىنداعى ەلەم چەمپيوناتىندا بليتس بويىنشا جەڭٸسكە جەتكەن. سامارقاندتاعى وليمپيادادا ول سەگٸز پارتييا ٶتكٸزٸپ, 5 ۇپاي جينادى.
الۋا نۇرمان دا كوماندانىڭ ماڭىزدى ويىنشىلارىنىڭ بٸرٸنە اينالدى. ونىڭ وليمپيادا الدىنداعى رەيتينگٸ 2455 شاماسىندا بولدى. حالىقارالىق شەبەر اتاعىنا يە شاحماتشى سامارقاندتا سەگٸز پارتييا ٶتكٸزٸپ, 6,5 ۇپاي جينادى. بۇل كٶرسەتكٸش كومانداداعى ەڭ جوعارى جەكە نەتيجەلەردٸڭ بٸرٸ بولدى.
مەرۋەرت قاماليدەنوۆا 2005 جىلى تۋعان. ول دا حالىقارالىق شەبەر اتاعىنا يە. فيدە دەرەكتەرٸندە ونىڭ ەڭ جوعارى رەيتينگٸ 2427-گە دەيٸن جەتكەنٸ كٶرسەتٸلەدٸ. وليمپيادادا قاماليدەنوۆا سەگٸز پارتييا ويناپ, 4,5 ۇپاي جينادى.
قۇرامانىڭ ەڭ جاس مٷشەلەرٸنٸڭ قاتارىندا ەلناز قالياحمەت پەن زارينا نۇرعاليەۆا بولدى. ەكەۋٸ دە وسى وليمپيادادا دەبيۋت جاسادى. 16 جاستاعى قالياحمەت جەتٸ پارتييادا 5,5 ۇپاي جيناپ, جەكە نەتيجەسٸمەن ەرەكشەلەندٸ. ونىڭ كلاسسيكالىق شاحماتتاعى رەيتينگٸ جارىس قارساڭىندا 2300-دەن جوعارى بولدى. ال زارينا نۇرعاليەۆا 2009 جىلى تۋعان جەنە ەيەلدەر اراسىنداعى فيدە شەبەرٸ اتاعىنا يە. ول وليمپيادادا بەس پارتييا ٶتكٸزٸپ, ٷش ۇپاي جينادى.
قازاقستان قۇراماسىنىڭ سامارقاندتاعى نەتيجەسٸ سوڭعى وليمپياداداعى جەتٸستٸكتٸڭ جالعاسى بولدى. 2024 جىلى بۋداپەشتتە ٶتكەن 45-شٸ دٷنيەجٷزٸلٸك شاحمات وليمپياداسىندا دا قازاقستان ەيەلدەر قۇراماسى كٷمٸس مەدال جەڭٸپ العان ەدٸ. ول كەزدە بۇل قازاقستان ەيەلدەر شاحماتى تاريحىنداعى وليمپياداداعى العاشقى مەدال بولاتىن.
ەكٸ جىلدان كەيٸن قۇرامانىڭ سول نەتيجەنٸ قايتالاۋى قازاقستاندىق شاحماتتىڭ تۇراقتى تٷردە جوعارى دەڭگەيدە ٶنەر كٶرسەتٸپ كەلە جاتقانىن اڭعارتادى. ونىڭ ٷستٸنە بيىلعى كوماندادا تەجٸريبەلٸ اساۋباەۆامەن بٸرگە حالىقارالىق ارەنادا ەندٸ قالىپتاسىپ كەلە جاتقان جاس شاحماتشىلار دا بار.
سامارقاندتاعى جارىستا قىتاي قۇراماسى التىن مەدال السا, قازاقستاننان كەيٸن ٷندٸستان كومانداسى قولا جٷلدەگە يە بولدى. وسىلايشا قازاقستاندىق شاحماتشى قىزدار ەلەمنٸڭ جەتەكشٸ قۇرامالارى اراسىنداعى ورنىن تاعى بٸر مەرتە كٶرسەتتٸ.
قازاقستان ەيەلدەر قۇراماسى 1992 جىلدان بەرٸ شاحمات وليمپياداسىنا قاتىسىپ كەلەدٸ. بۇعان دەيٸن كوماندا 2018 جىلى باتۋميدا ونىنشى, 2022 جىلى چەننايدا بەسٸنشٸ ورىن العان. ال 2024 جىلى بۋداپەشتتە كٷمٸس جٷلدەگە كٶتەرٸلدٸ. سامارقاندتاعى ەكٸنشٸ ورىن وسى پروگرەستٸڭ جالعاسىن كٶرسەتتٸ.
