قازاقستاندا پەتەرلەر مەن جەكە ٷيلەردٸ تابيعي اپاتتاردان مٸندەتتٸ ساقتاندىرۋ جٷيەسٸن ەنگٸزۋ جوسپارلانىپ وتىر. قارجى نارىعىن رەتتەۋ جەنە دامىتۋ اگەنتتٸگٸنٸڭ مەلٸمەتٸنشە, قازٸر ەلٸمٸزدەگٸ تۇرعىن ٷي قورىنىڭ نەبەرٸ 3,2 پايىزى عانا ساقتاندىرىلعان. ال قازاقستان اۋماعىنىڭ شامامەن 75 پايىزى تابيعي اپاتتار قاۋپٸنە ۇشىراۋى مٷمكٸن, دەپ حابارلايدى dalanews.kz.
بۇل باستاما XIV قازاقستان قارجىگەرلەر كونگرەسٸندە تانىستىرىلعان 2026–2030 جىلدارعا ارنالعان ساقتاندىرۋ نارىعىن دامىتۋ باعدارلاماسىنا ەنگٸزٸلگەن. باعدارلامادا جالپى سانى 18 باستاما قاراستىرىلعان.
اگەنتتٸك تٶراعاسىنىڭ ورىنباسارى نۇرجان تۇرسىنحانوۆتىڭ ايتۋىنشا, مٸندەتتٸ ساقتاندىرۋ جٷيەسٸ تابيعي اپات سالدارىنان تۇرعىن ٷيگە كەلگەن شىعىندى ٶتەۋ تەتٸگٸن قالىپتاستىرۋعا باعىتتالعان. قازٸر مۇنداي جاعدايلاردا ازاماتتارعا كٶمەك كٶرسەتۋ شىعىندارىنىڭ ەدەۋٸر بٶلٸگٸن مەملەكەت كٶتەرەدٸ. جاڭا جٷيە بويىنشا ٶتەماقى قاراجاتى الدىن الا جينالاتىن ساقتاندىرۋ جارنالارى ەسەبٸنەن قالىپتاستىرىلماق.
الايدا ەزٸرگە بۇل – رەتتەۋشٸنٸڭ ۇسىنىسى مەن جوسپارى. مٸندەتتٸ ساقتاندىرۋ كٷشٸنە ەنگەن جوق.
اۆتوساقتاندىرۋ تەرتٸبٸ دە ٶزگەرۋٸ مٷمكٸن
باعدارلاما اياسىندا كٶلٸك يەلەرٸنە قاتىستى ساقتاندىرۋ جٷيەسٸن دە جاڭارتۋ كٶزدەلگەن.
قازٸر جول-كٶلٸك وقيعاسىنان زارداپ شەككەن ازامات ٶتەماقى الۋ ٷشٸن اپاتقا كٸنەلٸ جٷرگٸزۋشٸنٸڭ ساقتاندىرۋ كومپانيياسىنا جٷگٸنەدٸ. بولاشاقتا وعان ٶز ساقتاندىرۋ كومپانيياسىنان تٶلەم الۋعا مٷمكٸندٸك بەرٸلمەك. ال ساقتاندىرۋ ۇيىمدارى ٶزارا ەسەپ ايىرىسۋدى ٶزدەرٸ جٷرگٸزەدٸ.
سونىمەن قاتار كٶلٸك يەلەرٸنە بٷلٸنگەن اۆتوكٶلٸك ٷشٸن اقشالاي ٶتەماقى الۋ نەمەسە ساقتاندىرۋ كومپانيياسىمەن جۇمىس ٸستەيتٸن تەحنيكالىق قىزمەت كٶرسەتۋ ستانتسيياسىندا جٶندەتۋ مٷمكٸندٸگٸ ۇسىنىلماق.
جٶندەۋ قۇنىنا قاتىستى داۋلاردى ازايتۋ ٷشٸن قوسالقى بٶلشەكتەر مەن جٶندەۋ جۇمىستارى باعاسىنىڭ بٸرىڭعاي انىقتامالىعى جاسالادى.
مٸندەتتٸ ساقتاندىرۋ پوليستەرٸنٸڭ باعاسىن بەلگٸلەۋ تەرتٸبٸن ٶزگەرتۋ دە ۇسىنىلىپ وتىر. رەتتەۋشٸ تاريفتەردٸڭ بەلگٸلٸ بٸر شەگٸن بەكٸتٸپ, ونىڭ اياسىندا ساقتاندىرۋ كومپانييالارىنا كليەنتتٸڭ جەكە تەۋەكەلدەرٸنە قاراي باعا بەلگٸلەۋگە مٷمكٸندٸك بەرۋدٸ كٶزدەيدٸ.
زەينەتاقى اننۋيتەتتەرٸنٸڭ جاڭا تٷرلەرٸ ۇسىنىلادى
باعدارلامادا ٶندٸرٸستەگٸ جازاتايىم وقيعالاردان قىزمەتكەرلەردٸ ساقتاندىرۋ تەرتٸبٸن جەتٸلدٸرۋ دە قاراستىرىلعان. كەسٸبي تەۋەكەلدەردٸ باعالاۋ جەنە ساقتاندىرۋ پوليسٸنٸڭ قۇنىن ەسەپتەۋ تەسٸلدەرٸ ٶزگەرۋٸ مٷمكٸن.
بۇدان بٶلەك, زەينەتاقى اننۋيتەتتەرٸنٸڭ جاڭا تٷرلەرٸن ەنگٸزۋ جوسپارلانىپ وتىر. ولار ٶمٸر بويى تٶلەنەتٸن كەپٸلدەندٸرٸلگەن تٶلەمدەر مەن ينۆەستيتسييالىق تابىستى بٸرٸكتٸرەدٸ. كليەنتتەر وسى ەكٸ بٶلٸكتٸڭ ٷلەسٸن ٶزدەرٸ تاڭداي الادى.
ساقتاندىرۋ دەلدالدارىنىڭ قىزمەتٸنە دە تالاپ كٷشەيتٸلمەك. ەندٸ كومپانييالار ساقتاندىرۋ اگەنتٸنٸڭ پوليستٸ رەسٸمدەگەنٸ ٷشٸن الاتىن كوميسسييا مٶلشەرٸن شارتتا كٶرسەتۋگە مٸندەتتەلەدٸ. سونداي-اق ساقتاندىرۋ جاعدايلارىن رەسٸمدەۋگە جەنە تٶلەم الۋعا كٶمەكتەسەتٸن دەلدالداردى مٸندەتتٸ تٸركەۋ جەنە ولارمەن جازباشا كەلٸسٸمشارت جاساۋ تالاپتارى ەنگٸزٸلمەك.
ساقتاندىرۋ قىزمەتتەرٸن تسيفرلاندىرۋ دا جوسپارلانعان. بٸرىڭعاي ساقتاندىرۋ دەرەكتەر بازاسىن دامىتۋ جەنە ساقتاندىرۋ ماركەتپلەيستەرٸنٸڭ قۇقىقتىق مەرتەبەسٸن زاڭمەن بەكٸتۋ كٶزدەلٸپ وتىر. بۇل پلاتفورمالار ارقىلى ازاماتتار تٷرلٸ كومپانييالاردىڭ ۇسىنىستارىن سالىستىرىپ, پوليستٸ ونلاين تاڭداي الادى.
قازاقستاندا ساقتاندىرۋ نارىعى قانشالىقتى ٶستٸ?
قارجى نارىعىن رەتتەۋ جەنە دامىتۋ اگەنتتٸگٸنٸڭ دەرەگٸنشە, 2022 جىلدىڭ باسىنان بەرٸ ساقتاندىرۋ كومپانييالارىنىڭ اكتيۆتەرٸ 1,8 تريلليون تەڭگەدەن 4,8 تريلليون تەڭگەگە دەيٸن ٶسكەن.
وسى كەزەڭدە ساقتاندىرۋ سىيلىقاقىلارىنىڭ كٶلەمٸ 591,7 ميلليارد تەڭگەدەن 1,4 تريلليون تەڭگەگە, ال كليەنتتەرگە تٶلەنگەن ٶتەماقى 135,9 ميلليارد تەڭگەدەن 417,9 ميلليارد تەڭگەگە جەتكەن.
سوعان قاراماستان, قازاقستاندا ساقتاندىرۋ قىزمەتٸن پايدالانۋ دەڭگەيٸ ەلٸ دە تٶمەن. 2025 جىلدىڭ قورىتىندىسى بويىنشا ساقتاندىرۋ سىيلىقاقىلارىنىڭ كٶلەمٸ ەلدٸڭ جالپى ٸشكٸ ٶنٸمٸنٸڭ 1,22 پايىزىنا تەڭ بولعان. دامۋشى ەلدەردەگٸ ورتاشا كٶرسەتكٸش – 2,7 پايىز, ال دامىعان مەملەكەتتەردە – 6,7 پايىز.
ساقتاندىرۋ نارىعىن دامىتۋدىڭ 2026–2030 جىلدارعا ارنالعان باعدارلاماسىن ٸسكە اسىرۋ ٷشٸن جاڭا زاڭ جوباسى ەزٸرلەنگەن. ونى جىل سوڭىنا دەيٸن قۇرىلتايدىڭ قاراۋىنا ەنگٸزۋ جوسپارلانىپ وتىر.
