قازاقستاندا قۇرىلىس كٶلەمٸ 15,6%-عا ٶسٸپ, جەڭٸل اۆتوكٶلٸك ٶندٸرٸسٸ 34,2%-عا ارتتى. بۇل تۋرالى ەكونوميكالىق ٶسٸم جٶنٸندەگٸ شتاب وتىرىسىندا ايتىلدى, دەپ حابارلايدى dalanews.kz.
پرەمەر-مينيستردٸڭ ورىنباسارى سەرٸك جۇمانعاريننٸڭ تٶراعالىعىمەن ٶتكەن جيىندا 2026 جىلدىڭ توعىز ايىنداعى ەكونوميكالىق كٶرسەتكٸشتەر تالقىلاندى. ٷكٸمەت مەلٸمەتٸنشە, ٸشكٸ جالپى ٶنٸمنٸڭ ٶسۋٸنە قۇرىلىس, ٶڭدەۋ ٶنەركەسٸبٸ, كٶلٸك جەنە ساۋدا سالالارى نەگٸزگٸ ٷلەس قوسىپ وتىر.
ەسەپتٸ كەزەڭدە قۇرىلىس جۇمىستارىنىڭ كٶلەمٸ 6,1 ترلن تەڭگەگە جەتٸپ, ٶتكەن جىلدىڭ سەيكەس كەزەڭٸمەن سالىستىرعاندا 15,6%-عا ٶسكەن. ٶسٸم ەلٸمٸزدٸڭ 18 ٶڭٸرٸندە تٸركەلگەن. جەڭٸل اۆتوكٶلٸك ٶندٸرٸسٸ دە ايتارلىقتاي ارتىپ, 117,2 مىڭ داناعا جەتتٸ. بۇل ٶتكەن جىلمەن سالىستىرعاندا 34,2%-عا جوعارى كٶرسەتكٸش.
تۇرعىن ٷي قۇرىلىسى سالاسىندا 11,3 ملن شارشى مەتر باسپانا پايدالانۋعا بەرٸلدٸ. بۇل كٶرسەتكٸش بٸر جىلدا 3,6%-عا ٶسكەن. ساۋدا سالاسىنداعى تاۋار اينالىمى 51,5 ترلن تەڭگەنٸ قۇراپ, 6%-عا ارتتى. ال تەمٸرجول ارقىلى تاسىمالدانعان استىق كٶلەمٸ 13,6 ملن تونناعا جەتٸپ, ٶتكەن جىلمەن سالىستىرعاندا 3 ملن تونناعا كٶبەيگەن.
ٷكٸمەتتٸڭ مەلٸمەتٸنشە, مەتاللۋرگييا سالاسىندا كٶرسەتكٸش ەزٸرگە 97,5% دەڭگەيٸندە قالىپ وتىر. بيلٸك ٶكٸلدەرٸ شيكٸزات بازاسىن كەڭەيتۋ باعىتىندا جۇمىس جٷرگٸزٸلٸپ جاتقانىن حابارلادى. سونداي-اق اۋىل شارۋاشىلىعى مەن ازىق-تٷلٸك ٶندٸرٸسٸ سالالارىندا دا جىل سوڭىنا دەيٸن تۇراقتى ٶسٸم ساقتالادى دەپ كٷتٸلۋدە.
